స్వర్గం... ఇక్కడే

స్వర్గం... ఇక్కడే

నడి సంద్రం.. చుట్టూ నీరు.. ఆ ఆహ్లాదకరమైన వాతావరణంలో చిన్ని దీవి..! ప్రపంచంతో సంబంధమే లేకుండా దానిపై ఓ ఇల్లు.. అక్కడ ఏకాంతంగా గడిపితే.. ఆ హాయే వేరు కదా.. ప్రకృతి ప్రేమికులకు ఇంతకన్నా అద్భుతం మరొకటి ఉండదేమో! ఈ అద్భుతాన్ని చూడాలన్నా.. గడపాలన్నా చలో లండన్ అనాల్సిందే.. 90 మీటర్ల ఎత్తున్న ఈ భవనాన్ని చేరుకోవాలంటే పక్కనున్న కొండపై నుంచి ఉన్న 100 మీటర్ల పొడవుండే సన్నని బ్రిడ్జే ఆధారం.

ఇందులో ఉన్న గృహాలంకరణ, వసతులు చూస్తే ఓహో అనాల్సిందే..! ఫ్రెండ్స్‌తో కలసి సరదాగా గడిపేందుకు ఓ బార్, ఓ టీవీతో పాటు వైఫై సదుపాయం కూడా ఉంటుంది. ఇక్కడ హనీమూన్ చేసుకోవాలనుకునే జంటకు వారానికి రూ.28 వేలు చెల్లించాలి. ‘యునిక్ హోం స్టేస్’ సంస్థ ఇలాంటి ఎన్నో ప్యాకేజీలు కూడా ఇస్తోంది.