భవనం కుప్ప కూలి 10.. మంది మృతి

భవనం కుప్ప కూలి.. 10 మంది మృతి

లాహోర్: పాకిస్తాన్లో ఓ ఫ్యాక్టరీ భవనం పై కప్పు కుప్పకూలి 10 మంది ప్రాణాలు కోల్పోయారు. పదుల సంఖ్యలో గాయాల పాలయ్యారు. బుధవారం సాయంత్రం లాహోర్ లోని పరిశ్రమల ప్రాంగణంలో ఈ ఘటన చోటుచేసుకుంది. ఇది ఇప్పటికే రిపేరులో ఉండటంతో మరమ్మత్తులు చేసేందుకు సిద్ధం చేసి ఉంచగా ఈ ప్రమాదం సంభవించింది.

మొత్తం నాలుగు అంతస్తులుగా ఉన్న ఈ భవనంలో షాపింగ్ బ్యాగులు తయారు చేస్తుంటారు. మృతులు గాయపడిన వారు శిథిలాల కింద ఉన్నవారు అంతా కూడా అందులో పనిచేసే వర్కర్లు అని తెలుస్తోంది. ప్రాథమిక సమాచారం ప్రకారం 100 మందికి పైగా కూలీలు శిథిలాల కింద ఉన్నట్టు సమాచారం. ఈ ఘటన జరిగే సమయంలో 150మంది పనిచేస్తున్నట్లు సమాచారం.