TV
తెలుగు మాట్లాడుతున్నా!
‘‘తెలుగు భాష నేర్చుకోవడం చాలా ఆనందంగా ఉంది. తెలుగులో నా పాత్రకు నేనే డబ్బింగ్ చెప్పుకోవడం ఇంకా ఇంకా ఆనందంగా ఉంది’’ అని మలయాళ నటుడు మోహన్‌లాల్ అన్నారు. ఈ మలయాళ సూపర్ స్టార్ ప్రస్తుతం ‘జనతా గ్యారేజ్’తో పాటు ‘మనమంతా’లో నటిస్తున్న విషయం తెలిసిందే. వీటిలో ‘మనమంతా’ చిత్రంలో తన పాత్రకు తానే డబ్బింగ్ చెబుతున్నారు.
చంద్రశేఖర్ యేలేటి దర్శకత్వంలో సాయిశివాని సమర్పణలో వారాహి చలన చిత్రం పతాకంపై రజనీ కొర్రపాటి ఈ చిత్రం నిర్మించారు. ఇందులో మోహన్‌లాల్ సరసన గౌతమి నటించారు. ప్రస్తుతం ఈ చిత్రానికి సంబంధించిన పోస్ట్ ప్రొడక్షన్ కార్యక్రమాలు జరుగుతున్నాయి.
