అఖిల్... అప్‌డేట్స్

అఖిల్... అప్‌డేట్స్

అక్కినేని అఖిల్ నటించే మొదటి సినిమా ఎలా ఉంటుంది? అసలా సినిమాలో అఖిల్ ఎలా కనిపిస్తాడు? అని అక్కినేని అభిమానులతో పాటు ఇతర ప్రేక్షకులు కూడా ఆసక్తిగా ఎదురు చూస్తున్నారు. ‘నేనిలా కనిపిస్తా’ అని ప్రత్యేకంగా చెప్పకపోయినా.. సినిమాలో తానెలా కనిపిస్తాడో.. అఖిల్ సామాజిక మాధ్యమం ద్వారా శాంపిల్స్ చూపిస్తున్నాడు. ఈ చిత్రం షూటింగ్ లొకేషన్లో దిగిన కొన్ని ఫొటోలను ట్విట్టర్లో పెడుతున్నాడు. కేవలం సన్నివేశాలకు సంబంధించిన స్టిల్స్ మాత్రమే కాకుండా.. సీనియర్ నటుడు బ్రహ్మానందంతో చేసిన సందడి, తన తండ్రి నాగార్జున సెట్‌కి వచ్చినప్పటి ఫోటోలు కూడా బయటపెట్టాడు అఖిల్. ఫొటోలు మాత్రమే కాకుండా చిత్రనిర్మాణం ఏ దశలో ఉందో కూడా తెలియపరుస్తున్నాడు. అఖిల్ ఇలా ఎప్పటికప్పుడు అప్‌డేట్ ఇవ్వడం అభిమానులకు ఆనందంగా ఉంటుందని ప్రత్యేకంగా చెప్పక్కర్లేదు.