చిత్రం కాదు విచిత్రం!

చిత్రం కాదు విచిత్రం!

విభిన్నమైన మనస్తత్వాలు కలిగిన వ్యక్తులు సినిమా తీయాలనుకుని ఓ ప్రదేశానికి వెళతారు. అక్కడ వారికి ఎదురైన అనుభవాల నేపథ్యంలో తెరకెక్కిన చిత్రం ‘చిత్రం భళారే విచిత్రం’. మనోజ్ నందం, చాందిని జంటగా భాను ప్రకాశ్ బలుసు దర్శకత్వంలో పి.ఉమాకాంత్ నిర్మించిన ఈ సినిమా ప్రచార చిత్రం ఆవిష్కరణ కార్యక్రమం హైదరాబాద్‌లో జరిగింది. నిర్మాత మాట్లాడుతూ-‘‘ కథ విన్న వెంటనే నచ్చింది. అందరూ నవ్వుకునేలా ఓ ఎంటర్‌టైనర్‌గా ఈ చిత్రాన్ని రూపొందించాం. త్వరలో విడుదల చేయడానికి సన్నాహాలు చేస్తున్నాం’’ అని తెలిపారు. ‘‘అన్ని వాణిజ్య హంగులూ ఈ సినిమాలో ఉంటాయి. అన్ని వర్గాల వారికీ కచ్చితంగా నచ్చుతుందన్న నమ్మకం ఉంది’’ అని దర్శకుడు అన్నారు. ఈ వేడుకలో హీరో మనోజ్‌నందం, హీరోయిన్ చాందిని తదితరులు పాల్గొన్నారు.