TV
రమేష్‌వర్మ దర్శకత్వంలో వస్తా నీ వెనక
నచ్చితే’ చిత్రంతో మంచి గుర్తింపు సంపాదించుకుని, ‘జీనియస్’లో భిన్న కోణాలున్న పాత్ర చేసి తనలో మంచి నటుడు ఉన్నాడని నిరూపించుకున్నారు హవీష్.
‘నచ్చితే’ చిత్రంతో మంచి గుర్తింపు సంపాదించుకుని, ‘జీనియస్’లో భిన్న కోణాలున్న పాత్ర చేసి తనలో మంచి నటుడు ఉన్నాడని నిరూపించుకున్నారు హవీష్. ఈ చిత్రాన్ని నిర్మించిన దాసరి కిరణ్‌కుమార్ తాజాగా హవీష్‌తో మరో సినిమా నిర్మించబోతున్నారు. రమేష్‌వర్మ దర్శకత్వంలో రామదూత క్రియేషన్స్, కిరణ్ స్టూడియోస్ సంయుక్తంగా నిర్మించనున్న ఈ చిత్రం ప్రారంభోత్సవం వచ్చే నెల 11న జరగనుంది. ఈ సందర్భంగా నిర్మాత మాట్లాడుతూ -‘‘విభిన్నంగా సాగే ముక్కోణపు ప్రేమకథా చిత్రం ఇది.
ఇప్పటివరకు తెలుగు తెరపై ఇలాంటి కథతో సినిమా రాలేదు. హీరోగా హవీష్ స్థాయిని పెంచే విధంగా ఉంటుంది. భారీ నిర్మాణ విలువలతో ఈ చిత్రం ఉంటుంది’’ అన్నారు. దర్శకుడు మాట్లాడుతూ -‘‘కథ మాత్రమే కాదు.. ఈ చిత్రం స్క్రీన్‌ప్లే కూడా చాలా వైవిధ్యంగా ఉంటుంది. యూరప్ నేపథ్యంలో సాగే ఈ అందమైన ప్రేమకథలో సంగీతానికి అధిక ప్రాధాన్యం ఉంది. ఇందులో ఇద్దరు నాయికలుంటారు. వారి ఎంపిక జరుగుతోంది’’ అన్నారు. ఈ చిత్రా నికి మాటలు: హర్షవర్ధన్, రచన: విసు, కెమెరా: శ్యామ్ కె. నాయుడు, ఎడిటింగ్: మార్తాండ్ కె.వెంకటేష్, ఆర్ట్: ప్రకాష్, ఫైట్స్: రామ్-లక్ష్మణ్.
