ఇస్లాంలోకి యువన్ శంకర్ రాజా!

 

 యువన్ శంకర్ రాజా వైవాహిక జీవితం ఒడిదుడుకుల్లో సాగుతోంది. ఆయన మొదట సుజయ అనే యువతిని పెళ్లి చేసుకున్నారు. కొంత కాలం తర్వాత మనస్పర్థల కారణంగా విడిపోయారు. దీంతో యువన్ ఆ తర్వాత శిల్ప అనే అమ్మాయిని రెండవ వివాహం చేసుకున్నారు. ఇది పెద్దల అనుమతితో తిరుమలలో జరిగింది. తాజాగా అది కలహాల కాపురంగా మారడంతో ఇద్దరూ విడిపోయూరని సమాచారం. ఇప్పుడు ముస్లిం యువతిని మూడో పెళ్లి చేసుకోవడానికి యువన్ ఇస్లాం మతం స్వీకరించినట్లు ప్రచారం జరుగుతోంది. ఈ సంగీత దర్శకుడిప్పుడు రోజుకు ఐదుసార్లు నమాజ్ చేస్తున్నారట. ఖురాన్ చదువుతున్నారట. దీని గురించి యువన్ శంకర్ రాజా తన ట్విట్టర్‌లో పేర్కొన్నారు. తాను ఇస్లాం మతంలోకి మారిన విషయం నిజమేనని, మూడవ పెళ్లి కోసం మాత్రం కాదని వివరించారు.