ప్రతీకారం నేపథ్యంలో...

నితిన్, విరాట్, సంతోష్‌

‘పరిచయం’ చిత్రంతో హీరోగా పరిచయమైన విరాట్‌ హీరోగా నటిస్తున్న రెండో సినిమా త్వరలో ప్రారంభం కానుంది. నితిన్‌ జి.దర్శకత్వం వహించనున్నారు. ది మాంక్, ఆర్చి ఫిల్మ్స్‌ ఇంటర్నేషనల్‌ బ్యానర్స్‌పై సంతోష్‌ వై.కె, నిమేశ్‌ దేశాయ్‌ నిర్మించనున్నారు. ఈ సందర్భంగా ది మాంక్, ఆర్చి ఫిల్మ్స్‌ ఇంటర్నేషనల్‌ బ్యానర్స్‌ లోగో ఆవిష్కరించారు. నితిన్‌ జి. మాట్లాడుతూ– ‘‘రివెంజ్‌ యాక్షన్‌ డ్రామాగా ఈ చిత్రాన్ని తెరకెక్కిస్తున్నాం.

నవంబర్‌లో రెగ్యులర్‌ షూటింగ్‌ ఆరంభమవు తుంది’’ అన్నారు. ‘‘నాపై నమ్మకంతో ఈ సినిమా చేస్తున్న దర్శక–నిర్మాతలకు థ్యాంక్స్‌. నితిన్‌లాంటి ప్రతిభావంతుడితో ఈ సినిమా చేయడం చాలా హ్యాపీ’’ అన్నారు విరాట్‌. నిర్మాతల్లో ఒకరైన సంతోష్‌ మాట్లాడుతూ... ‘‘నితిన్‌ చెప్పిన స్టోరీ నచ్చి ఈ చిత్రాన్ని నిర్మిస్తున్నాం’’ అన్నారు. ఈ చిత్రానికి కెమెరా: జైపాల్‌ రెడ్డి, ఎగ్జిక్యూటివ్‌ ప్రొడ్యూసర్‌: నగేష్‌ పూజారి, సహ నిర్మాత: అతుల్‌ పాటిల్‌.