కిక్‌ ఇచ్చే లుక్‌లో

‘గ్యాంగ్‌’ సినిమా సక్సెస్‌ను పూర్తీగా ఎంజాయ్‌ చేయకముందే తదుపరి చిత్రాన్ని పట్టాలు ఎక్కించేశారు సూర్య.  ‘7/జి బృందావన కాలనీ, ఆడవారి మాటలకు అర్థాలే వేరులే’ ఫేమ్‌ సెల్వ రాఘవన్‌ దర్శకత్వంలో  సూర్య ఓ సినిమా ఒప్పుకున్న విషయం తెలిసిందే. ఈ సినిమా రెగ్యులర్‌ షూటింగ్‌ నిన్న మొదలైంది. సెల్వ రాఘవన్‌ దర్శకత్వంలో సూర్య నటించడం ఇదే తొలిసారి.

ఈ సినిమాలో సాయి పల్లవి, రకుల్‌ ప్రీత్‌ సింగ్‌ హీరోయిన్లుగా నటిస్తున్నారు. సూర్య క్యారెక్టరైజేషన్, లుక్‌ ప్రేక్షకులను ఆశ్చర్యపరుస్తుందని చిత్రబృందం పేర్కొన్నారు. ఫ్యాన్స్‌కైతే ఆయన లుక్‌ కిక్‌ ఇచ్చే విధంగా ఉంటుందట. ఎస్‌ ఆర్‌ ప్రభు, ఎస్‌.ఆర్‌. ప్రకాష్‌ బాబు ఈ చిత్రాన్ని నిర్మిస్తున్నారు. ఈ సినిమాను దీపావళికి విడుదల చేయాలనుకుంటున్నారు.