‘రజనీ ఎందుకు కరోనాను నాశనం చేయట్లేదు’

వివాదస్పద దర్శకుడు రామ్ గోపాల్ వర్మ సూపర్ స్టార్ రజనీకాంత్‌పై మరోసారి వంగ్యస్త్రాలు సందించాడు.  మహమ్మారిని నాశనం చేసేందుకు ఆయన ఏం చేయట్లేదంటూ ఫన్నీ మీమ్‌తో ట్విటర్‌లో సోమవారం షేర్‌ చేశాడు. ప్రుస్తుతం ఈ ట్వీట్‌ సోషల్‌ మీడియాలో వైరల్‌గా మారింది. ‘కరోనా వైరస్‌ను నాశనం చేయడానికి రజనీకాంత్‌ ఎందుకు ఏమీ చేయడం లేదు’ అంటూ ట్వీట్‌ చేశాడు.

And why the f... is Rajnikant not doing anything to destroy the Coronavirus?????..Just asking

— Ram Gopal Varma (@RGVzoomin) March 21, 2020

ఇక ఆర్‌జివి ట్వీట్‌ చూసిన రజనీ అభిమానులు ఆయనపై విరుచుకుపడుతున్నారు. తమ అభిమాన హీరోపై వ్యంగ్యంగా ట్వీట్‌ చేసినందుకు వర్మపై తీవ్ర స్థాయిలో మండిపడుతున్నారు. ఇక రజనీని ట్రోల్‌ చేయడం ఇది మొదటి సారి కాదు. ఇంతకు ముందు రజనీ నటించిన 2.0 విడుదల సమయంలో ఆయన లుక్‌పై వివాదస్పద వ్యాఖ్యలు చేసిన  సంగతి తెలిసిందే. ప్రస్తుతం వర్మ  గెహెర్ అనే హర్రర్‌ థ్రిల్లర్‌  చిత్రానికి దర్శకత్వం వహిస్తున్నాడు.  ఈ చిత్రంలో మిథున్ చక్రవర్తి, అమిత్ సాధ్‌లు కీలక పాత్రల్లో నటిస్తున్నారు.