హీరోను అంకుల్ అంటే కోపం రాదా!

 

ఈ విషయం మొత్తాన్ని వరుణ్ ధావన్ ఈమధ్య మీడియాతో పంచుకున్నాడు. ''నేను ఆ సినిమా ట్రయల్‌కు వెళ్లి, సల్మాన్ అంకుల్ అని పిలిచాను. ఆయన చాలా అప్‌సెట్ అయ్యారు. మరోసారి అలా పిలిస్తే కొడతానని, సల్మాన్ భాయ్ అని పిలవమని చెప్పారు. డేవిడ్ ధావన్ కొడుకైనా సరే తాను లెక్కచేసేది లేదని, మరోసారి తనను అంకుల్ అని పిలిస్తే  నన్ను థియేటర్‌లోకి రానివ్వబోనని వార్నింగ్ ఇచ్చారు'' అని వరుణ్ ముంబైలో మీడియాకు చెప్పాడు. ఇంతకీ సందర్భం ఏమిటా అంటే.. జుడ్‌వా సినిమాకు సీక్వెల్‌గా జుడ్‌వా 2 తీస్తున్నారు. అందులో వరుణ్ ధావన్ హీరో. జుడ్‌వా మొదటి సినిమాకు దర్శకుడు డేవిడ్ ధావన్. ఈ సినిమాతో ఇప్పుడు తాను సల్మాన్‌ను గానీ, సాజిద్ ఖాన్‌ను గానీ, డేవిడ్ ధావన్‌ను, ప్రేక్షకులను కూడా నిరాశపరచాలనుకోవట్లేదని, సల్మాన్ ఆశీస్సులు తనకు ఎప్పుడూ ఉంటాయని అన్నాడు. ఈ సినిమాలో రాజా పాత్ర పోషించేటప్పుడు ధరించడానికి తనకు ఒక బాక్సు నిండా జీన్స్ ప్యాంట్లను సల్మాన్ భాయ్ పంపాడని కూడా వరుణ్ చెప్పాడు.