నచ్చకుంటే డబ్బు వాపసు

సొసైటీలో అనాథలను లేకుండా చేయాలనే సందేశాత్మక కథకి వినోదం జోడించి రూపొందించిన సినిమా ‘సత్య గ్యాంగ్‌’. సాత్విక ఈశ్వర్, అక్షిత జంటగా ప్రభాస్‌ దర్శకత్వంలో మహేశ్‌ ఖన్నా నిర్మించిన ఈ సినిమా టీజర్‌ని అనాథ బాలల చేత విడుదల చేయించారు. ఈ సందర్భంగా మహేశ్‌ ఖన్నా వారికి రూ. 10 వేలు ఆర్థిక సాయం చేశారు. ‘‘మంచి కథాంశంతో రూపొందిన చిత్రమిది. మా సినిమా చూసి నచ్చలేదన్నవారికి డబ్బులు వాపసు ఇచ్చేస్తాం. సినిమాపై మాకున్న నమ్మకం వల్ల ఇలా అంటున్నాం. త్వరలోనే ఆడియో లాంచ్‌ చేస్తాం’’ అన్నారు మహేశ్‌ ఖన్నా.