TV
సింగం-3 విడుదల వాయిదా!
హీరో సూర్య ప్రతిష్ఠాత్మకంగా తీసిన సింగం-3 తెలుగు వెర్షన్ విడుదల వాయిదా పడింది. గురువారం ఉదయం విడుదల కావాల్సిన ఈ సినిమా తెలుగు రాష్ట్రాల్లో ఎక్కడా మార్నింగ్ షో పడలేదు. మధ్యాహ్నానికి సినిమా విడుదల అవుతుందని సినిమాకు సంబంధించినవాళ్లు, థియేటర్ల యజమానులు చెబుతున్నారు. యముడు-3 పేరుతో తెలుగులో రావాల్సిన ఈ సినిమా విడుదలపై ముందు నుంచి అనుమానాలున్నా, తమిళంలో మాత్రం సినిమా యథాతథంగా విడుదల అయ్యింది. తెలుగులో ఎందుకు రాలేదన్న విషయం మాత్రం ఇంకా తెలియాల్సి ఉంది.
సంబంధిత వార్తలు చదవండి
సూర్య సరసన శ్రుతిహాసన్ నటించిన ఈ సినిమా మీద భారీగా అంచనాలున్నాయి. మొదటి రెండు భాగాల్లో చేసిన అనుష్క.. ఈ సినిమాలో కూడా కొనసాగింది. మొదటి భాగంలో అనుష్క మాత్రమే ఉండగా, రెండో భాగంలో అనుష్క, హన్సిక ఇద్దరూ నటించారు. ఇప్పుడు మూడో భాగంలో శ్రుతి - అనుష్క ఇద్దరు టాప్ హీరోయిన్లు చేయడం విశేషం. మరి తెలుగు ప్రేక్షకులకు ఈ సినిమా తొలిరోజు చూసే అదృష్టం ఉంటుందో లేదో తెలియడం లేదు.
సంబంధిత వార్తలు చదవండి
