TV
ఈ జనరేషన్ మనసు దోచుకున్న శృంగార తార ‘సన్నీ లియోన్’. పలు నీలి చిత్రాల్లో నటించిన సన్నీ ‘జిస్మ్ 2’ ద్వారా హిందీ చిత్రరంగానికి పరిచయమయ్యారు. ఆ చిత్రంలో ఈ హాట్ గాళ్ ఏమాత్రం వళ్లు దాచుకోకుండా నటించిన వైనం చాలామందిని ఆకట్టుకుంది. ముఖ్యంగా కుర్రకారులో సన్నీకి చాలా క్రేజ్ నెలకొంది. దీన్ని దృష్టిలో పెట్టుకునే, తమిళ నిర్మాత దయానిధి అళగిరి ‘వడకర్రి’ చిత్రంలో సన్నీతో ఐటమ్ సాంగ్ చేయించాలనుకుని ఉంటారు. ఈ పాట ద్వారా కోలీవుడ్‌కి ఎంట్రీ దొరుకుతుందని సన్నీ కూడా గ్రీన్ సిగ్నల్ ఇచ్చేశారట.
ఈ విషయం తెలిసిన ‘హిందూ ముక్కళ్ కట్చి’ (తమిళనాడుకి చెందిన ఓ పార్టీ) ఆగ్రహం వ్యక్తం చేసింది. నీలి చిత్రాల్లో నటించిన సన్నీని తమిళ చిత్రాల్లో నటింపజేస్తే ఊరుకునేది లేదని ఆ పార్టీ అధ్యక్షుడు ఓ ప్రకటన జారీ చేశారు. పోర్న్ స్టార్స్‌ని ప్రోత్సహిస్తే.. తమిళ రంగంలో అలాంటి తారల సంఖ్య పెరిగే అవకాశం ఉందని, అది జరగడానికి వీల్లేదని కూడా పేర్కొన్నారు. ఒకవేళ సన్నీని కనుక ఈ చిత్రంలో నటింపజేస్తే, సినిమా ప్రదర్శనని ఆపడానికి కూడా వెనకాడమని హెచ్చరిక జారీ చేసిందట సదరు పార్టీ. వచ్చే నెల ఈ పాటను చిత్రీకరించాలనుకున్నారు. తాజా పరిణామాలతో సన్నీ స్థానంలో వేరే తారను ఎంపిక చేస్తారో లేక హిందూ మక్కళ్ కట్చి హెచ్చరికను నిర్మాత ఎదుర్కొంటారో చూడాలి.
