42లో 32 హిట్‌...

42లో 32 హిట్‌...

మలయాళ సూపర్‌స్టార్‌ మోహన్ లాల్, ‘బేబి’ మీనాక్షి, విమలారామన్‌ ముఖ్య పాత్రల్లో ప్రియదర్శన్‌ దర్శకత్వంలో తెరకెక్కిన చిత్రం ‘ఒప్పం’. మలయాళంలో హిట్‌ అయిన ఈ చిత్రాన్ని దిలీప్‌కుమార్‌ బొలుగోటి సమర్పణలో ఓవర్‌సీన్‌ నెట్‌వర్క్‌ ఎంటర్‌టైన్మెంట్‌ పతాకంపై ‘కనుపాప’ పేరుతో తెలుగులో విడుదల చేయనున్నారు. ఈ సందర్భంగా హైదరాబాద్‌లో ఈ సినిమా పాటలను ప్రదర్శించారు.

ఎగ్జిక్యూటివ్‌ ప్రొడ్యూసర్‌ శ్రీనివాస్‌ మూర్తి మాట్లాడుతూ –‘‘మోహన్ లాల్, ప్రియదర్శన్  కాంబినేషన్‌లో 42 సినిమాలు రాగా 32 సినిమాలు మంచి హిట్‌ సాధించాయి. ఫిబ్రవరి 3న ఈ సినిమా విడుదల చేస్తున్నాం’’ అన్నారు. ‘‘అంధుడిగా మోహన్ లాల్‌ నటన అద్భుతం. తెలుగు ప్రేక్షకులకూ మా చిత్రం నచ్చేలా ఉంటుంది. ‘ఒప్పం’ను తెలుగులో విడుదల చేయడంలో నిర్మాత ‘సింధూరపువ్వు’ కృష్ణారెడ్డి సహాయపడ్డారు’’ అని దిలీప్‌కుమార్‌ బొలుగోటి చెప్పారు.