యూరప్‌లో ప్రేమాయణం!

 అమలాపాల్ మనసు పారేసుకుంది. ‘వస్తా నీ వెనుక’.. అంటూ ఓ అబ్బాయితో డ్యూయెట్టుకు కూడా రెడీ అయిపోయింది. ఇంతకీ అమలాపాల్ మనసు దోచిన మనోహారుడెవరు? అనేగా మీ ప్రశ్న. తనెవరో కాదు. నువ్విలా, జీనియస్ చిత్రాలతో ప్రేక్షకులకు చేరువైన యువ హీరో హవీష్. విషయం ఏంటంటే... వీరిద్దరూ జంటగా ఓ సినిమా రూపొందుతోంది. ఆ సినిమా పేరు ‘వస్తా నీ వెనుక’. రమేశ్‌వర్మ దర్శకత్వంలో రూపొందుతోన్న ఈ చిత్రానికి దాసరి కిరణ్‌కుమార్ నిర్మాత. కథకు వెన్నెముకలాంటి పాత్రను ఇష పోషిస్తున్నారు. ప్రేమ, వినోదం సమపాళ్లలో మిళితమైన బ్యూటిఫుల్ రొమాంటిక్ ఎంటర్‌టైనర్ ఇదని, హవీష్ పాత్ర చిత్రణ, అమలాపాల్ గ్లామర్ చిత్రానికి వెన్నెముకలా నిలుస్తాయని దర్శకుడు చెప్పారు. దాసరి కిరణ్‌కుమార్ మాట్లాడుతూ -‘‘ఈ సినిమాకు మంచి టీమ్ కుదిరింది.