TV
2వేల నోట్లతో అవినీతి పెరగొచ్చు: అన్నాహజారే
పెద్ద నోట్ల రద్దు విషయంలో ప్రధానమంత్రి నరేంద్ర మోదీ నిర్ణయాన్ని సమర్థించిన అన్నా హజారే.. ఇప్పుడు కొత్తగా జారీ చేసిన రెండు వేల రూపాయల నోట్లతో అవినీతి పెరిగే ప్రమాదం ఉందని హెచ్చరించారు.
పెద్ద నోట్ల రద్దు విషయంలో ప్రధానమంత్రి నరేంద్ర మోదీ నిర్ణయాన్ని సమర్థించిన అన్నా హజారే.. ఇప్పుడు కొత్తగా జారీ చేసిన రెండు వేల రూపాయల నోట్లతో అవినీతి పెరిగే ప్రమాదం ఉందని హెచ్చరించారు. పెద్దనోట్ల రద్దును వ్యతిరేకిస్తున్న వాళ్లలో ఎక్కువమంది నల్లధనం కట్టలు కట్టలుగా ఉన్నవారేనని, పరిస్థితులు చక్కబడేవరకు చిన్న చిన్న ఇబ్బందులు తప్పవని చెప్పారు.
మరోవైపు పార్లమెంటు శీతాకాల సమావేశాలు వరుసగా మూడోరోజు కూడా పెద్దనోట్ల రద్దు విషయంలో జరిగిన గందరగోళంతో తుడిచిపెట్టుకుపోయాయి. ప్రతిపక్షం, అధికారపక్షం పరస్పరం తీవ్రంగా దూషణలకు పాల్పడటంతో ఉభయ సభలు అస్సలు కార్యకలాపాలు ఏవీ జరగకుండానే సోమవారానికి వాయిదా పడ్డాయి.
