'రాజకీయ రంగు పులమొద్దు'

'రాజకీయ రంగు పులమొద్దు'

న్యూఢిల్లీ: తెలుగు రాష్ట్రాలలో నెలకొన్న ఎంసెట్ వివాదంపై కేంద్ర హోంశాఖ మంత్రి రాజ్నాథ్ సింగ్తో మాట్లాడతానని కేంద్ర పార్లమెంటరీ వ్యవహారాల శాఖ మంత్రి ఎం. వెంకయ్యనాయుడు బుధవారం న్యూఢిల్లీలో వెల్లడించారు.  ఈ అంశంపై అంతకు మించి తన జోక్యం ఉండబోదని ఆయన స్పష్టం చేశారు. దీనికి దయచేసి రాజకీయ రంగు పులమొద్దని విలేకర్లకు సూచించారు. రాష్ట్ర విభజన నేపథ్యంలో ఎంసెట్ పరీక్ష నిర్వహణపై ఇరు రాష్ట్ర ప్రభుత్వాల్లో తీవ్ర సందిగ్థత నెలకొంది.

ఈ నేపథ్యంలో ఎంసెట్ పంచాయతీ గవర్నర్ వద్దకు చేరింది. దాంతో ఇరు రాష్ట్రాల విద్యాశాఖ మంత్రులతో గవర్నర్ సమక్షంలో చర్చలు జరిపారు. అయినా ఫలితం కనిపించలేదు. దీంతో ఆంధ్రప్రదేశ్ విద్యాశాఖ మంత్రి గంటా శ్రీనివాసరావు ఈ అంశాన్ని మంగళవారం న్యూఢిల్లీలో కేంద్రమంత్రి వెంకయ్యనాయుడు దృష్టికి తీసుకువెళ్లారు. దాంతో వెంకయ్యనాయుడుపై విధంగా స్పందించారు.