TV
మహారాష్ట్ర, హర్యానాల్లో మోడీ ప్రచారం
న్యూఢిల్లీ: మహారాష్ట్ర, హర్యానా అసెంబ్లీ ఎన్నికల్లో ప్రధాని నరేంద్ర మోడీ బీజేపీ తరపున ప్రచారం చేయనున్నారు. వచ్చే నెల 4 నుంచి మోడీ ప్రచారంలోకి దిగనున్నారు. కాంగ్రెస్ అధికారంలో ఉన్న ఈ రెండు రాష్ట్రాల్లో పాగా వేసేందుకు బీజేపీ సర్వశక్తులూ ఒడ్డుతోంది.
మహారాష్ట్రలో మోడీతో పాటు బీజేపీ అగ్రనేతలు ఎల్ కే అద్వానీ, మురళీమనోహర్ జోషీ ప్రచారం చేస్తారు. కాగా హర్యానాలో వీరిద్దరూ ప్రచారం చేసేదీలేనిదీ తెలియరాలేదు. మోడీ హర్యానాలో పది, మహారాష్ట్రలో 12 ర్యాలీల్లో ప్రసంగిస్తారు.
