పీఎంఓలో ఓ రౌండు అలా తిరిగొచ్చా!

ప్రధానమంత్రి నరేంద్రమోడీ గురువారం ఉదయాన్నే తన కార్యాలయం (పీఎంఓ)లో అలా.. ఓసారి తిరిగారు. అన్ని విభాగాలను దగ్గరుండి పరిశీలించారు. అక్కడున్న అధికారులతో మాటలు కలిపి విషయాలు తెలుసుకున్నారు. అలాగే, అక్కడున్న సదుపాయాల గురించి అధికారులను అడిగారు.

అంతే.. వెంటనే ఆ ఫొటోను తన ట్విట్టర్లో పోస్ట్ చేసేశారు. ''ఉదయాన్నే సౌత్ బ్లాక్కు వెళ్లి, పీఎంఓలో ఓ రౌండు తిరిగొచ్చా'' అని అందులో పేర్కొన్నారు. పసుపు పచ్చటి కుర్తా, తెల్లటి చుడీదార్ ధరించిన ఆయన అధికారులతో మాట్లాడుతున్న ఫొటోను ట్విట్టర్లో పోస్ట్ చేశారు. కాగా, మరోవైపు ఢిల్లీ లెఫ్టినెంట్ గవర్నర్ నజీబ్ జంగ్ గురువారం నాడు ప్రధాని నరేంద్ర మోడీని కలిసి ముచ్చటించారు.

Took a round of the PMO on reaching South Block this morning pic.twitter.com/aXDDMjh4K6

— Narendra Modi (@narendramodi) May 29, 2014