రూ. 3.56 వరకూ తగ్గనున్న డీజిల్ ధర

రూ. 3.56 వరకూ తగ్గనున్న డీజిల్ ధర

న్యూఢిల్లీ: అంతర్జాతీయంగా ముడి చమురు ధరలు ఏకంగా నాలుగేళ్ల కనిష్ట స్థాయికి పడిపోవడంతో.. దేశంలో డీజిల్ ధరలు భారీగా తగ్గనున్నాయి. ఈ నేపథ్యంలో డీజిల్‌పై చమురు సంస్థలకు నష్టాలు వచ్చే పరిస్థితి పోయి.. రెండు మూడు నెలలుగా లాభాలు రావడం ప్రారంభమైంది. ప్రస్తుత ధరల ప్రకారం చమురు సంస్థలకు ఒక్కో లీటర్ డీజిల్‌పై దాదాపు రూ. 3.56 వరకూ లాభం వస్తోంది. ఈ విషయాన్ని చమురు సంస్థలు అధికారికంగా ప్రకటించాయి కూడా.

ఈ నెల తొలివారంలో ఒక్కో లీటర్‌పై రూ. 1.90 పైసల వరకూ లాభం రాగా... కొద్ది రోజుల్లోనే అది రెట్టింపు కావడం గమనార్హం. అయితే మహారాష్ట్ర, హర్యానా అసెంబ్లీ ఎన్నికల కారణంగా కోడ్ అమల్లో ఉండడంతో... డీజిల్ ధరలను తగ్గించలేదు. ఆదివారం ఈ ఎన్నికల ఫలితాలు వెలువడనున్నాయి. అనంతరం డీజిల్ ధరల తగ్గింపును ప్రకటించనున్నారు.