కర్ణాటకలో ఎన్నికల పోలింగ్‌ ప్రారంభం

దేశం మొత్తం ఎంతో ఆసక్తికరంగా ఎదురుచూసిన కర్ణాటక అసెంబ్లీ ఎన్నికలు ప్రశాంతంగా ముగిశాయి. శనివారం ఉదయం 7 గంటల నుంచే పోలింగ్‌ కేంద్రాల వద్ద ప్రజలు తమ ఓటు హక్కును ఉపయోగించుకున్నారు. 70 శాతానికిపైగా  పోలింగ్‌ నమోదు అయింది. అక్కడక్కడా చిన్నా చితక సంఘటనలు మినహా ఎన్నికలు ప్రశాంతంగా ముగిశాయి.

ఈవీఎంలో తలెత్తిన సాంకేతిక సమస్య కారణంగా హెబ్బల్‌ నియోజవర్గంలోని లొట్టెగొళ్లహల్లిలో రీపోలింగ్‌ నిర్వహింనున్నట్లు ఎన్నికల ప్రధాన అధికారి వెల్లడించారు.

ఓటు ఏ గుర్తుకు వేసిన కూడా కమళం గుర్తుకే పడుతున్నాయని, ఈవీఎంలు బీజేపీకి అనుకూలంగా తమారుచేశారని కాంగ్రెస్‌ పార్టీ  ఆరోపిస్తోంది. కొన్ని పోలింగ్‌ కేంద్రాల్లో  హస్తం గుర్తుపై ఈవీఎం నొక్కిన కూడా కమళం గుర్తుకే పడుతున్నాయని కాంగ్రెస్‌ నేతలు  ఆందోళనకు దిగారు.

కాంగ్రెస్‌ పార్టీ మాజీ సీనియర్‌నేత, ప్రస్తుత బీజేపీ నేత ఎస్‌ఎమ్‌ కృష్ణ తన ఓటు హక్కును వినియోగించుకున్నారు.

అసెంబ్లీ​ ఎన్నికల్లో నకిలీ ఓటర్‌ గుర్తింపు కార్డులతో కాంగ్రెస్‌ ఎమ్మెల్యే, 14 మంది కార్యకర్తలు పోలీసులకు పట్టుపడ్డారు. కాంగ్రెస్‌ పార్టీ ఆర్‌ఆర్‌ నగర్‌ అభ్యర్థి ఎన్‌ మునిరత్నపది వేల నకిలీ ఓటర్‌ గుర్తింపు కార్డులతో పట్టుబడటంతో పోలీసులు కేసు నమోదు చేశారు.

కర్ణాటక అసెంబ్లీ ఎన్నికల్లో 3 గంటల వరకూ పోలింగ్‌ 56 శాతం నమోదు అయింది. గెలుపుపై కాంగ్రెస్‌, బీజేపీ, జేడీఎస్‌ ధీమా వ్యక్తం చేస్తున్నాయి.

గ్రామంలో కనీస అవసరాలు లేక ఇబ్బంది పడుతున్నారంటూ ఓ మహిళ పోలింగ్‌ కేంద్రం వద్ద కిరోసిన్‌ పోసుకుని ఆత్మహత్యకు ప్రయత్నించింది. ఈ ఘటన హావేరి జిల్లాలో చోటుచేసుకుంది.

ముఖ్యమంత్రి సిద్దరామయ్య వరుణలో ఓటు హక్కును వినియోగించుకున్నారు. కాంగ్రెస్‌ పార్టీ 113 సీట్లలో విజయం సాధించి రెండోసారి ప్రభుత్వాని ఏర్పాటు చేస్తుందని ధీమా వ్యక్తంచేశారు.

బీజేపీ నేత ఉమేష్‌ కట్టి ఎన్నికల కోడ్‌ని ఉల్లంఘించారు. చిక్కోడిలో  ఓటు వేసిన ఉమేష్‌ తన భార్య కోసం బూత్‌లోనే వేచి ఉండడం వివాదంగా మారింది. ఎన్నికల నియమావళి  ప్రకారం ఒక్కరు మాత్రమే పోలింగ్‌ బూత్‌లోకి వెళ్ళాలి.

కేంద్ర రసాయన ఎరువుల శాఖ మంత్రి అనంతకుమార్‌ హెగ్డే తన ఓటు హక్కును  వినియోగించుకున్నారు. సాధారణ ఓటర్లుతో పాటు మంత్రి కూడా పోలింగ్‌ బూత్‌ వద్ద క్యూలైన్‌లో నిలబడి ఓటు వేశారు.

సిద్దాగంగా మఠాధిపతి డాక్టర్‌ శివకుమార్‌ స్వామిజీ  తన ఓటు హక్కును వినియోగించుకున్నారు. 111 ఏళ్ళు నిండిన స్వామిజీ, రాష్ట్రంలో ఓటు హక్కు వినియోగించుకున్న అత్యంత వయసు కలిగిన ఓటర్‌గా రికార్డు నెలకొల్పారు.

మరికొద్దిసేపట్లో పెళ్లిపీటల మీద కుర్చోవాల్సిన యువతి ఓటు వేయడానికే తన మొదటి ప్రాధాన్యతని ఇచ్చింది. పెళ్లికి కొద్దిసేపు ముందు యువతి మాడికేరి పోలింగ్‌ బూత్‌ 131లో ఓటు హక్కుని వినియోగించుకుంది.

కర్ణాటక అసెంబ్లీ ఎన్నికల్లో మధ్యాహ్నం 1 గంట వరకూ 37 శాతం పోలింగ్‌ నమోదు అయింది. మరోవైపు బీజేపీ, కాంగ్రెస్‌, జేడీఎస్‌ ... గెలుపుపై ధీమా వ్యక్తం చేస్తున్నాయి.

జేడీఎస్‌ అధినేత, మాజీ ప్రధాని హెచ్‌డీ దేవెగౌడ తన ఓటు హక్కుని వినియోగించుకున్నారు. హసన్‌ జిల్లాలోని పోలింగ్‌ బూత్‌ 244లో దేవెగౌడ ఓటు వేశారు. జేడీఎస్‌ ప్రభుత్వాని ఏర్పాటు చేసేందుకు తగిన సీట్లు సాధిస్తుందని, అశాభావం వ్యక్తం చేశారు.

కర్ణాటక మాజీ ముఖ్యమంత్రి, బీజేపీ సీఎం అభ్యర్థి బీఎస్‌ యడ్యూరప్ప తన ఓటు హక్కును వినియోగించుకున్నారు. శీకారిపుర పోలింగ్‌ బూత్‌లో యడ్యూరప్ప ఓటు వేశారు.

పోలింగ్‌ వద్ద కాంగ్రెస్‌-బీజేపీ కార్యకర్తల మధ్య ఘర్షణ చోటుచేసుకుంది. హంపీనగర్‌ బీజేపీ కార్పోరేటర్‌పై కాంగ్రెస్‌ కార్యకర్తలు దాడిచేశారని బీజేపీ నేత రవీంద్ర తెలిపారు. ఈ దాడిలో కార్పోరేటర్‌ ఆనంద్‌ గాయపడ్డారని, పోలీసులు ఎలాంటి చర్యలు తీసుకోలేదని బీజేపీ నేతలు ఆరోపిస్తున్నారు.

బూత్‌లో ఉన్న అధికారులు కాంగ్రెస్‌ పార్టీకి ఓటు వేయాలని ఓటర్లకి సూచిస్తున్నారంటూ బీజేపీ కార్యకర్తలు ఆందోళనకు దిగారు. కారాడీగూడ పోలింగ్‌ బూత్‌ 58 వద్ద అధికారులు కాంగ్రెస్‌ పార్టీకి అనుకూలంగా వ్యవహరిస్తున్నారని బీజేపీ మద్దతుదారులు ఆందోళన దిగారు.

బీజేపీ నేత శ్రీరాములు బల్లారిలో తన ఓటు హక్కును వినియోగించుకున్నారు. శ్రీరాములు సిద్దరామయ్యపై బాదామి నుంచి పోటీ చేస్తున్న విషయం తెలిసిందే.

కాంగ్రెస్‌ పార్టీ లోక్‌సభపక్షనేత మల్లికార్జున ఖర్గే తన ఓటు హక్కుని వినియోగించుకున్నారు. బసవనగర్‌లోని పోలింగ్‌ బూత్‌ 108లో ఖర్గే  ఓటు వేశారు.

నూతన దంపతులు పెళ్లి పీటలపై నుంచి నేరుగా పోలింగ్‌ కేంద్రానికి వెళ్లి తమ ఓటు హక్కును వినియోగించుకున్నారు. భాగల్‌కోటలో వివాహాం అనంతరం దంపతులిద్దరూ నేరుగా పోటింగ్‌ కేంద్రానికి వెళ్లి ఓటు వేశారు.

సుప్రీంకోర్టు మాజీ ప్రధాన న్యాయమూర్తి ఎమ్‌ఎన్‌ఆర్‌ వెంకటచల్లయ్య తన ఓటు హక్కుని వినియోగించుకున్నారు. బెంగళూరులో తన సతీమణితో కలిసి పోలింగ్‌లో పాల్గొన్నారు. వెంకటచల్లయ్య 1993 నుంచి 1994 వరకూ సుప్రీంకోర్టు ప్రధాన న్యాయమూర్తిగా సేవలు అందించారు.

ప్రముఖ ఆధ్యాత్మిక గురువు శ్రీశ్రీ పండిట్‌ రవిశంకర్‌ తన ఓటు హక్కును వినియోగించుకున్నారు. ఓటు వేయడం ప్రతి ఒక్కరి బాధ్యతని, ప్రతి ఒక్కరు తమ ఓటు హక్కుని వినియోగించుకోవాలని ఓటర్లని కోరారు.

జేడీఎస్‌ నేత హెచ్‌డీ కుమారస్వామి, ఆయన భార్య అనిత శనివారం ఓటు హక్కు వినియోగించుకున్నారు. రామనగర పోలింగ్‌ కేంద్రంలో వారు ఓటు వేశారు. ఈ సందర్భంగా కుమారస్వామి మాట్లాడుతూ ...జేడీఎస్‌ మ్యాజిక్‌ ఫిగర్‌ను దాటుతుందని ధీమా వ్యక్తం చేశారు. ప్రభుత్వాన్ని ఏర్పాటు చేస్తామని ఆయన తెలిపారు.

అసెంబ్లీ ఎన్నికల్లో టీమిండియా మాజీ క్రికెటర్‌ రాహుల్‌ ద్రావిడ్‌ తన ఓటు హక్కును వినియోగించుకున్నారు. సీవీ రామన్‌ నగర్‌ అసెంబ్లీ నియోజకవర్గంలో ద్రావిడ్‌  ఓటు వేశారు.

ప్రముఖ పాత్రికేయురాలు గౌరి లంకేశ్‌ సోదరుడు ఇంద్రజిత్‌ లంకేశ్‌ అసెంబ్లీ ఎన్నికల్లో తన ఓటు హక్కును వినియోగించుకున్నారు.

కర్ణాటక అసెంబ్లీ ఎన్నికలలో ఉదయం 11 గంటల వరకూ 24 శాతం పోలింగ్‌ నమోదు అయింది.

పోలింగ్‌ సమయంలో మహిళలకు ఎలాంటి ఇబ్బంది కలగకుండా బెలగావిలో గులాబీ రంగులతో ప్రత్యేక బూత్‌లను ఏర్పాటు చేశారు. ఈ బూత్‌లో కేవలం మహిళా అధికారులు మాత్రమే ఉంటారు.

నూతన వధువరులు పెళ్లి పీటలపై నుంచి నేరుగా పోలింగ్‌ కేంద్రానికి వెళ్లి తమ ఓటు హక్కును వినియోగించుకున్నారు.

అసెంబ్లీ ఎన్నికల్లో టీమిండియా మాజీ క్రికెటర్‌ అనిల్‌ కుంట్లే తన ఓటు హక్కును వినియోగించుకున్నారు. కుటుంబ సభ్యులతో కలిసి పోలింగ్‌లో పాల్గొన్నారు.

బాదామిలో ఓటు హక్కు వినియోగించుకునేందుకు పోలింగ్‌ బూత్‌కు వచ్చిన దివ్యాంగుడు

కర్ణాటక అసెంబ్లీ ఎన్నికల్లో ఉదయం 9 గంటలకు 10.6 శాతం పోలింగ్‌ నమోదు అయింది.

కర్ణాటక అసెంబ్లీ ఎన్నికల విజయంపై కాంగ్రెస్‌ సీనియర్‌ నేత మల్లికార్జున ఖర్గే ధీమా వ్యక్తం చేశారు. రాష్ట్రంలో తామే ప్రభుత్వాన్ని ఏర్పాటు చేస్తామని స్పష్టం చేశారు. బీజేపీ కేవలం 60 నుంచి 70 సీట్లు మాత్రమే గెలుస్తుందని జోస‍్యం చెప్పారు. అధికారంపై బీజేపీవి పగటి కలలేనని ఖర్గే వ్యాఖ్యానించారు.

మూరుసవిర్‌ మఠం స్వామిజీ గురుసిద్ధ రాజా యోగింద్ర మహాస్వామి హుబ్లీలో తన ఓటు హక్కును వినియోగించుకున్నారు.

కర్ణాటక మంత్రి కేజే జార్జి బెంగళూరులో తన ఓటును వేశారు. ఆయన ప్రస్తుతం సర్వజ్ఞ నగర్‌ నియోజక వర్గం నుంచి పోటీ చేస్తున్నారు.

హాసన్‌ జిల్లా హూలెనరసిపురం బూత్‌ నంబర్‌ 244లో మాజీ ప్రధాని దేవే గౌడ దంపతులు ఓటు హక్కు వినియోగించుకున్నారు.

కర్ణాటక అసెంబ్లీ ఎన్నికలు: బీదర్‌ అర్బన్‌ నియోజకవర్గంలో మొరాయించిన ఈవీఎంలు
ఈవీఎంల సాంకేతిక లోపంతో 15 నిమిషాలు ఆలస్యంగా పోలింగ్‌

శికారిపురలో ఓటు వేసిన బీజేపీ ముఖ్యమంత్రి అభ్యర్థి బీఎస్‌ యడ్యూరప్ప

ఓటు హక్కు వినియోగించుకునేందుకు పోలింగ్‌ బూత్‌ వద్ద బారులు తీరిన ఓటర్లు

బళ్లారి: కర్ణాటక అసెంబ్లీ ఎన్నికల సందర్భంగా ఓటు వేసేందుకు వెళ్లే ముందు తన నివాసంలో గోపూజ చేస్తున్న బీజేపీ నేత బి.శ్రీరాములు