TV
ఐఎస్‌ఎస్‌ఎఫ్ కమిటీకి మళ్లీ ఎన్నికైన బింద్రా
న్యూఢిల్లీ: భారత స్టార్ షూటర్ అభినవ్ బింద్రా అంతర్జాతీయ షూటింగ్ స్పోర్ట్ సమాఖ్య (ఐఎస్‌ఎస్‌ఎఫ్) అథ్లెట్ కమిటీకి మళ్లీ ఎన్నికయ్యాడు. ఏడుగురు సభ్యులున్న ఈ కమిటీకి తొలిసారిగా 2010లో అతను ఎన్నికయ్యాడు. తాజాగా మళ్లీ ఎన్నికైన నలుగురు సభ్యుల్లో బింద్రా కూడా ఉన్నాడు. ఈ ఎన్నిక కోసం మొత్తం 13 మంది అథ్లెట్లు నామినేట్ కాగా భారత షూటర్‌తో పాటు అరునోవిక్ (సెర్బియా), డి నికోలో (ఇటలీ), హెన్రీ (జర్మనీ)లకు కమిటీలో చోటు దక్కింది.
