TV
‘సింధు’ కోసం ఏపీపీఎస్సీలోమార్పులు
అమరావతి: బ్యాడ్మింటన్‌ ప్లేయర్‌ పీవీ సింధుకు గ్రూప్‌–1 అధికారిగా నియమించడానికి ఆంధ్రప్రదేశ్‌ ప్రభుత్వం ఏపీపీఎస్సీ నిబంధనల్లో మార్పు చేసింది. ఏ రిక్రూట్‌మెంట్‌ అయినా ఏపీపీఎస్సీ లేదా ఎంప్లాయ్‌మెంట్‌ ఎక్సేంజ్‌ ద్వారా మాత్రమే జరగాలి. దీంతో పీవీ సింధును అధికారిగా నియమించాలంటే ఖచ్చితంగా నిబంధనలు సవరించాల్సి రావడంతో సెక్షన్‌ 4ను సవరించారు.
ఈ బిల్లును ఏపీ ఆర్థికశాఖ మంత్రి యనమల రామకృష్ణుడు ప్రవేశపెట్టగా సభ్యులందరూ ఏకగ్రీవంగా ఆమోదించారు. ఈ బిల్లు శాసనమండలిలో కూడా ఆమోదం పొందాల్సి ఉంది.
