కోల్‌కతాపై షారుక్ ఆసక్తి

న్యూఢిల్లీ:  ఐపీఎల్‌లో కోల్‌కతా నైట్‌రైడర్స్ జట్టు యజమానిగా ఉన్న బాలీవుడ్ సూపర్‌స్టార్ షారుక్ ఖాన్ దృష్టి ఇప్పుడు ఫుట్‌బాల్‌పై పడింది. ఐఎంజీ-రిలయన్స్ ఆధ్వర్యంలో జరుగబోయే లీగ్‌లో కోల్‌కతా ఫ్రాంచైజీని కొనుగోలు చేసేందుకు షారుక్ ఆసక్తి చూపుతున్నాడు. ‘గతంలో గోవా ఐ లీగ్ క్లబ్ డెంపోలో వాటాలను తీసుకుందామని అనుకున్నాను. అయితే ఇప్పుడు కొత్తగా ఫ్రాంచైజీల ఆధారంగా లీగ్ రాబోతోంది. ఇప్పుడు దీనిపై దృష్టి పెట్టి ఓ ఫ్రాంచైజీని తీసుకుందామని భావిస్తున్నాను. ముఖ్యంగా కోల్‌కతా ఫుట్‌బాల్ క్లబ్‌ను తీసుకుంటే ఇంకా బావుంటుంది’ అని షారుక్ తన మనసులో మాట బయటపెట్టాడు.