భారత జట్టుకు ఐదో గెలుపు

బాకు (అజర్‌బైజాన్): చెస్ ఒలింపియాడ్‌లో భారత పురుషుల జట్టు వరుసగా ఐదో విజయాన్ని సాధించింది. అజర్‌బైజాన్‌తో మంగళవారం జరిగిన ఐదో రౌండ్‌లో భారత్ 3-1తో గెలిచింది. పెంటేల హరికృష్ణ 34 ఎత్తుల్లో మమెదైరోవ్‌పై, విదిత్ 37 ఎత్తుల్లో నైదిష్‌పై నెగ్గగా... రద్జబోవ్‌తో ఆధిబన్, ఎల్తాజ్‌తో సేతురామన్ ‘డ్రా’ చేసుకున్నారు.

మహిళల విభాగంలో వియత్నాంతో జరిగిన ఐదో రౌండ్ గేమ్‌ను భారత్ 2-2తో ‘డ్రా’గా ముగించింది. ఎన్గుఝెన్ ఫామ్‌తో హారిక; థి థనాతో సౌమ్య ‘డ్రా’ చేసుకోగా... పద్మిని రౌత్ 61 ఎత్తుల్లో హోవాంగ్‌పై నెగ్గింది. తానియా సచ్‌దేవ్ 42 ఎత్తుల్లో థి మాయ్ హంగ్ చేతిలో ఓడిపోరుుంది.