ఐపీఎల్‌లో గేల్‌ మరో ఘనత

జైపూర్‌: ఇండియన్‌ ప్రీమియర్‌ లీగ్‌(ఐపీఎల్‌)లో విధ్వంసకర కింగ్స్‌ పంజాబ్‌ ఆటగాడు క్రిస్‌ గేల్‌ మరో ఘనత సాధించాడు. సోమవారం సవాయ్‌ మాన్‌ సింగ్‌ మైదానంలో రాజస్తాన్‌​ రాయల్స్‌తో జరుగుతున్న మ్యాచ్‌లో నాలుగు వేల పరుగులు సాధించిన రెండో విదేశీ ఆటగాడిగా రికార్డు సాధించాడు. గతంలో డేవిడ్‌ వార్నర్‌ ఈ ఘనతను అందుకున్నాడు. అంతేకాకుండా  అతి తక్కువ ఇన్నింగ్స్‌ల్లో నాలుగు వేల పరుగుల అందుకున్న ఆటగాడిగా సరికొత్త రికార్డును నెలకొల్పాడు. క్రిస్‌గేల్‌ 112 ఇన్నింగ్స్‌ల్లోనే ఈ ఘనత అందుకున్నాడు. ఇక ఈ జాబితాలో డేవిడ్‌ వార్నర్‌(114), విరాట్‌ కోహ్లి(128), సురేష్‌ రైనా, గంభీర్‌(140)లు తర్వాత స్థానాల్లో ఉన్నారు.