విజేతలు నవీన్, సవిత

ఎల్బీ స్టేడియం, న్యూస్‌లైన్: హైదరాబాద్ ఓపెన్ క్యారమ్ టోర్నమెంట్‌లో పురుషుల సింగిల్స్ టైటిల్‌ను ఎస్.నవీన్ కైవసం చేసుకున్నాడు. మహిళల సింగిల్స్ టైటిల్‌ను యు.సవిత గెల్చుకుంది. హైదరాబాద్ క్యారమ్ అకాడమీ ఆధ్వర్యంలో ముషీరాబాద్‌లో మంగళవారం జరిగిన పురుషుల సింగిల్స్ ఫైనల్లో ఎస్.నవీన్ 5-25, 22-9 స్కోరుతో అమ్జాద్‌పై విజయం సాధించాడు. సెమీఫైనల్లో నవీన్ 25-16, 17-23, 15-7తో యు.నరేష్‌పై, అమ్జాద్ 25-5, 22-9తో ఇ.అశోక్ కుమార్‌పై గెలిచారు.
 
  మూడో స్థానం కోసం పోరులో నరేష్ 25-20, 25-11తో అశోక్ కుమార్‌పై నెగ్గాడు. మహిళల సింగిల్స్ ఫైనల్లో సవిత 25-0, 25-4 స్కోరుతో సునాయాసంగా కె.పద్మజపై గెలిచింది. సెమీఫైనల్లో సవిత 25-0, 25-0తో బి.అశ్వినిపై, కె.పద్మజ 25-0, 20-22, 25-6తో ఎస్.పి.శ్వేతపై నె గ్గింది. మూడో స్థానం కోసం జరిగిన మ్యాచ్‌లో ఎస్.పి.శ్వేత 25-0, 25-19తో బి.అశ్వనిపై గెలిచింది. విజేతలకు అంతర్జాతీయ క్యారమ్ మాజీ ఆటగాడు నిసార్ అహ్మద్ బహుమతులను అందజేశారు.