TV
వచ్చే సమావేశంలో రవిశాస్త్రిపై నిర్ణయం: గంగూలీ
కోల్‌కతా : భారత జట్టు టీమ్ డెరైక్టర్‌గా రవిశాస్త్రిని కొనసాగించాలా? లేదా? అనే విషయంపై బీసీసీఐ ఇంకా నిర్ణయం తీసుకోలేదని క్రికెట్ సలహా కమిటీ సభ్యుడు సౌరవ్ గంగూలీ స్పష్టం చేశాడు. ‘వచ్చే సమావేశంలో బీసీసీఐ రవిశాస్త్రిపై ఓ నిర్ణయం తీసుకుంటుంది. అప్పుడే భారత జట్టు కోచ్‌గా ఎవరుంటారనేది తేలుతుంది. ఇప్పటికైతే మాకెలాంటి సమాచారం లేదు’ అని గంగూలీ అన్నాడు. సీనియర్ స్పిన్నర్ హర్భజన్ సింగ్ బంగ్లాదేశ్‌తో జరిగిన టెస్టులో రాణించడంతో అతడికి భవిష్యత్‌లోనూ చోటు దక్కే అవకాశం ఉందని చెప్పాడు.
