పుంజుకున్న సైనా, మూడో మ్యాచ్లో గెలుపు

పుంజుకున్న సైనా, మూడో మ్యాచ్లో గెలుపు

కౌలాలంపూర్: మలేసియాలో జరుగుతున్న వరల్డ్ సూపర్ సిరీస్ ఫైనల్స్‌లో భారత బ్యాడ్మింటన్ స్టార్ సైనా నెహ్వాల్ ఎట్టకేలకు విజయాన్ని నమోదు చేసింది. వరుసగా రెండు మ్యాచ్ల్లో ఓడినా ఈ హైదరాబాద్ క్రీడ్రాకారిణి చివరి లీగ్ మ్యాచ్‌లో పుంజుకుంది. శుక్రవారమిక్కడ జరిగిన గ్రూప్-బి చివరి లీగ్ మ్యాచ్‌లో యోన్ జూ బే (దక్షిణ కొరియా)పై గెలిచింది. గంటపాటు జరిగిన ఈ మ్యాచ్లో 21-11, 17-21, 21-13తో యోన్ జూ బేను ఓడించింది.

గురువారం జరిగిన రెండో లీగ్ మ్యాచ్‌లో ప్రపంచ నంబర్‌వన్ జురుయ్ లీ (చైనా) చేతిలో సైనా పరాజయం చవిచూసింది. కేవలం 27 నిమిషాల్లోనే ఈ మ్యాచ్ ముగియడం విశేషం.