TV
చెన్నై : సినీ సంగీత కళాకారుల సంఘం అధ్యక్షుడిగా మరోసారి సంగీత దర్శకుడు ఎస్‌ఏ రాజ్‌కుమార్‌కే పట్టం కట్టారు. ఈ సంఘం 2016-2018కి ఎన్నికలు ఆదివారం సంఘం కార్యాలయంలో జరిగాయి. ఈ ఎన్నికల్లో ప్రస్తుత అధ్యక్షుడు సంగీత దర్శకుడు ఎస్‌ఏ.రాజ్‌కుమార్ గెలుపొందారు. కార్యదర్శిగా టోమ్నిక్ సేవియర్, కోశాధికారిగా పీజీ వెంకటేశ్ విజయం సాధించారు.
ఉపాధ్యక్షుడి పదవికి సంగీత దర్శకులు దినా, జయచంద్రన్, టీకే మూర్తి, పి.సెల్వరాజ్, త్రినాథ్‌రావు గెలుపొందారు. అలాగే ఈ ఎన్నికల్లో పీవీ రమణ, ఎల్‌వీ సుధాకర్, రంగరాజ్, సెల్వరాజ్, బెర్నాడ్‌లు విజయం సాధించారు. ఈ సంఘంలో మొత్తం 525 మంది సభ్యులు ఉన్నారు.
