ఎన్నికలకు సర్వం సిద్ధం

 సాక్షి, న్యూఢిల్లీ: లోక్‌సభ ఎన్నికలు ప్రశాంతంగా నిర్వహించడానికి నగరవ్యాప్తంగా భద్రతను పటిష్టం చేశారు. గురువారం నిర్వహించే పోలింగ్ కోసం 16 ఫ్లయింగ్ స్క్వాడ్‌లు సహా 50 వేల మంది భద్రతా సిబ్బందిని మోహరిస్తున్నారు. ఈసారి బరిలో 150 మంది అభ్యర్థులు ఉండగా, 1.27 కోట్ల మందికి ఓటు హక్కు ఉంది. ఉదయం ఏడింటి నుంచి సాయంత్రం ఆరింటి వరకు పోలింగ్ నిర్వహిస్తారు. ఓటరుకార్డులు, స్లిప్పులు లేకున్నా ఓటు వేయవచ్చని ఎన్నికల సంఘం ప్రధానాధికారి విజయ్ దేవ్ మంగళవారం నిర్వహించిన విలేకరుల సమావేశంలో ప్రకటించారు. పాస్‌పోర్ట్, డ్రైవింగ్ లెసైన్స్ వంటి గుర్తింపుకార్డుల్లో ఏదైనా ఒకదానిని చూపించి ఓటు వేయవచ్చు. దరఖాస్తు చేసినా ఓటరుకార్డు అందని వాళ్లు కూడా ఈ సదుపాయాన్ని వినియోగించుకోవచ్చు. నగరవ్యాప్తం గా 11,673 పోలింగ్ కేంద్రాలు ఏర్పాటు చేయగా వీటిలో 327 కేంద్రాలను సమస్యాత్మకమైనవిగా, ముమ్మరం చేశారు.