'లంబాడీలను తొలగించాల్సిందే'

సాక్షి, హైదరాబాద్‌: నగరంలోని సరూర్‌ నగర్‌ ఇండోర్‌ స్టేడియంలో శనివారం ఆదివాసీల ఆత్మగౌరవ సభ ప్రారంభమైంది. ఈ కార్యక్రమానికి కొమురం భీం మనువడు కొమురం సోలేవాల్‌ హాజరయ్యారు. ఈ సందర్బంగా ఆయన మాట్లాడుతూ లంబాడీలను ఆదివాసీల నుంచి తొలగించాల్సిందేనన్నారు.

కొమురం భీం పోరాట స్పూర్తితో ముందుకెళ్దామన్నారు. ఆదివాసీలకంటూ ప్రత్యేక రిజర్వేషన్‌ కావాలని  సోలేవాల్‌ డిమాండ్‌ చేశారు. కాగా ఆదిలాబాద్, ఖమ్మం, వరంగల్ జిల్లాల నుంచి వేలాది మంది ఆదివాసీలు సభకు హాజరయ్యారు. లంబాడీలను ఎస్టీ జాబితా నుంచి తొలగించాలనే ప్రధాన డిమాండ్ తో ఆదివాసీలు సభ నిర్వహిస్తున్నారు.