నేడు రాష్ట్రానికి అమిత్‌షా 

సాక్షి, హైదరాబాద్‌: బీజేపీ జాతీయ అధ్య క్షుడు అమిత్‌షా ఈ నెల 6న రాష్ట్రానికి రానున్నారు. నిజామాబాద్‌లో జరిగే పార్లమెంట్‌ క్లస్టర్‌ సమావేశంలో ఆయన పాల్గొంటారు. మధ్యా హ్నం 1 గంటకి నిజామాబాద్‌ బోర్గాంలోని భూమారెడ్డి గార్డెన్స్‌లో జరిగే ఈ సభలో ఆయన ముఖ్య అతిథిగా పాల్గొని ప్రసంగిస్తారు. పార్లమెంట్‌ ఎన్నికల్లో పార్టీ అభ్యర్థుల గెలుపు కోసం చేపట్టాల్సిన చర్యలపై అమిత్‌షా దిశానిర్దేశం చేస్తారు. ఈ సభలో నిజామాబాద్‌ క్లస్టర్‌ పరిధి లోని ఆదిలాబాద్, కరీంనగర్, నిజామాబాద్, జహీరాబాద్, మెదక్‌ పార్లమెంట్‌ నియోజకవర్గాల నుంచి శక్తి కేంద్రాల ప్రముఖ్‌లు, సహ ప్రముఖ్‌లు, ఇన్‌చార్జిలు పాల్గొంటారు.