TV
ఆటో బోల్తా: ఐదుగురికి గాయాలు
అదిలాబాద్: రోడ్డుపై అడ్డుగా వచ్చిన పందిని తప్పించబోయి ఆటో బోల్తా పడి 5 గురికి గాయాలయ్యాయి. ఈ సంఘటన అదిలాబాద్ జిల్లా కానాపూర్ మండల కేంద్రంలో మంగళవారం ఉదయం జరిగింది. కానాపూర్ నుంచి తర్లపాడు వెళ్తున్న ఆటో స్తానిక బీసీ హస్టల్ వద్దకు చేరుకునే సరికి దారిలో పంది అడ్డు వచ్చింది. దీంతో అప్రమత్తమైన డ్రైవర్ పందిని తప్పించబోయాడు. ఆ క్రమంలో ఆటో ఒక్కసారిగా అదుపు తప్పి బోల్తా పడింది. ఈ ప్రమాదంలో ఆటోలో ప్రయాణిస్తున్న ఐదుగురికి గాయాలయ్యాయి. అందులో ఒకరి పరిస్థితి విషమంగా ఉంది. క్షతగాత్రులను స్థానికి ప్రభుత్వ ఆస్పత్రికి తరలించారు.
(కానాపూర్)
