TV
ప్రేమపేరుతో వేధిస్తే చర్యలు
మహబూబ్‌నగర్ విద్యావిభాగం : మైనర్లను ప్రేమపేరుతో పెళ్లిచేసుకుంటామని చెప్పినా, వారిని లైంగికంగా లోబర్చుకున్నా కఠిన చర్యలు తీసుకుంటామని మహబూబ్‌నగర్ డీఎస్పీ కృష్ణమూర్తి వెల్లడించారు. మండలంలోని ఓ గ్రామానికి చెందిన మైనర్ బాలికను అదే గ్రామానికి చెందిన ఆటోడ్రైవర్ కామారం శ్రీనివాసులు ఈనెల 24న కిడ్నాప్ చేశాడంటూ తండ్రి డీఎస్పీకి ఫిర్యాదు చేశారు. ఈ సందర్భంగా వెంటనే కేసు నమోదు చేయాలని రూరల్ సీఐ శ్రీనివాసులును ఆదేశించారు.
ప్రేమపేరుతో పెళ్లి చేసుకుంటామని మైనర్‌ను తీసుకెళ్లిన వారిపై చట్టరీత్యా కఠినచర్యలు తీసుకుంటామని, ఆ బాలిక తనకు ఇష్టముందని చెప్పినా అది చెల్లదని తెలిపారు. వారికి సహకరించిన వారిపై కూడా కేసులు నమోదు చేస్తామని డీఎస్పీ కృష్ణమూర్తి వెల్లడించారు.
