ఎమ్మెల్యే తనయుడిపై కేసు నమోదు

మెదక్ జిల్లా పటాన్చెరువు ఎమ్మెల్యే నందీశ్వర్ గౌడ్ తనయుడు అభిషేక్ గౌడ్పై పోలీసులు మంగళవారం కేసు నమోదు చేశారు. రామచంద్రాపురం మండలం తెల్లాపూర్లో ఎన్నికల ప్రచారంలో భాగంగా అభిషేక్ ఎన్నికల నిబంధనలు ఉల్లంఘించారంటూ ప్రత్యర్థులు పోలీసులకు ఫిర్యాదు చేశారు. దాంతో విచారణ జరిపిన పోలీసులు అభిషేక్ గౌడ్పై కేసు నమోదు చేసి, పటాన్ చెరువు పీఎస్కు తరలించారు.

ఇటీవల తెలుగుదేశం పార్టీ నాయకుడు దేవేందర్ గౌడ్ తనయుడు వీరేందర్ గౌడ్ కుషాయిగూడ పోలీసు స్టేషన్ పరిధిలో ఎన్నికల ప్రచారంలో భాగంగా ప్రవర్తన నియమావళిని ఉల్లంఘించారు. దీంతో ఎన్నికల ప్రవర్తన నియమావళిని ఉల్లంఘించారంటూ కుషాయిగూడ పోలీసులకు ఫిర్యాదు చేశారు. దాంతో వీరేందర్ గౌడ్పై పోలీసులు కేసు నమోదు చేసిన సంగతి తెలిసిందే.