పోలింగ్‌ కేంద్రంలోకి వీరికే అనుమతి

సాక్షి, హన్మకొండ అర్బన్‌: ఎన్నికల సందర్భంగా పోలింగ్‌ కేంద్రాలోకి అనుమతించిన వ్యక్తులు మాత్రమే వెళ్లాల్సి ఉంటుంది. అందులో ఎన్నికల సంఘం ద్వారా అనుమతించిన వారు కొందరు, ప్రిసైడింగ్‌ ఆఫీసర్‌ అనుమతించేవారు ఉంటారు. 
వీరికే అనుమతి..

•  ప్రిసైడింగ్‌ అధికారి ఒకసారి ఎంత మంది ఓటర్లను పోలింగ్‌ బూత్‌లోకి అనుమతిస్తే అంతమందే వెళ్లాలి.
•  పోలింగ్‌ ఆఫీసర్లు, ఎన్నికల విధులు నిర్వహించే అధికారులు, సిబ్బంది.
•  ఎన్నికల సంఘం అనుమతించిన వ్యక్తులు.
•  అభ్యర్థులు, వారి ఏజెంట్లు, పోలింగ్‌ ఏజెంట్లు.
•  ఓటు వేయడానికి వచ్చినవారు, చంకన ఎత్తుకున్న పిల్లలు.
•  అంథులు, వృద్ధులు, వారికి తోడుగా వచ్చినవారు. లేదంటే ఎన్నికల అధికారి సూచించిన సహాయకులు.
•  రిటర్నింగ్‌ అధికారి, ప్రిసైడింగ్‌ ఆఫీసర్‌ ప్రత్యేక పరిస్థితుల్లో నియమించిన వ్యక్తులు మాత్రమే లోనికి వెళ్లాలి. 
•  ఈ నిబంధనలు అతిక్రమంచినవారిపై చట్ట ప్రకారం కేసులు నమోదు చేసి చర్యలు తీసుకునే అవకాశం ఉంది.