'అందుకే రేవంత్ రెడ్డిని కస్టడీకి కోరుతున్నాం'

'అందుకే రేవంత్ రెడ్డిని కస్టడీకి కోరుతున్నాం'

హైదరాబాద్ : టీడీపీ ఎమ్మెల్యే రేవంత్ రెడ్డి కస్టడీ పిటిషన్పై ఏసీబీ కోర్టులో గురువారం వాదనలు ప్రారంభం అయ్యాయి. ఆయనను అయిదురోజుల పాటు కస్టడీకి ఇవ్వాలంటూ ప్రాసిక్యూషన్ తన వాదనలు వినిపించింది. డబ్బులు ఎక్కడ నుంచి వచ్చాయో తెలుసుకోవాల్సి ఉందని, ఈ వ్యవహారంలో రూ.50 లక్షలు మాత్రమే పట్టుబడ్డాయని, ఈ డబ్బులు ఎవరు సమకూర్చారో  తెలుసుకోవాల్సి ఉందని, కాల్డేటాను విశ్లేషించాల్సి ఉందని, ఎవరెవరితో సంప్రదింపులు జరిపారో అనే దానితో పాటు ఎమ్మెల్యేల కొనుగోలు కోసం చాలా సమావేశాలు జరిగాయని, ఈ కుట్ర వెనుక మొత్తం ఎవరున్నారో తెలుసుకోవాల్సి ఉందని అందుకునే రేవంత్ రెడ్డిని  కస్టడీకి కోరుతున్నట్లు ప్రాసిక్యూషన్ తరపు న్యాయవాదులు వాదనలు వినిపించారు. ప్రధానంగా నాలుగు అంశాల ఆధారంగా ఆయనను కస్టడీకి కోరారు.