TV
సాక్షి, హైదరాబాద్: రాష్ట్ర విభజనతో పాటే జూన్ 2న తెలంగాణకు ప్రత్యేక పబ్లిక్ సర్వీస్ కమిషన్ ఏర్పడుతుందని ఏపీపీఎస్సీ చైర్మన్ చిత్తరంజన్ బిస్వాల్ పేర్కొన్నారు. గురువారం ఆయన ఏపీపీఎస్సీలో పనిచేసే తెలంగాణ ఎన్జీవోల డైరీని ఆవిష్కరించారు. ఈ సందర్భంగా బిస్వాల్ మాట్లాడుతూ... సమైక్య రాష్ట్రంలో ఇదే చివరి డైరీ అన్నారు. విభజనతో పాటే తెలంగాణకు పబ్లిక్ సర్వీస్ క మిషన్ ఏర్పడుతుందని చెప్పారు. కార్యక్రమంలో ఏపీపీఎస్సీ కార్యదర్శి చారుసిన్హా, సభ్యులతో పాటు ఏపీపీఎస్సీ టీఎన్జీవో అధ్యక్షుడు సయీదుద్దీన్ తదితరులు పాల్గొన్నారు.
