TV
పట్టాలు తప్పిన దురంతో
పనాజీ: గోవాలో ఎర్నాకుళం-దురంతో ఎక్స్ ప్రెస్ రైలు పట్టాలు తప్పింది. పది బోగీలు పట్టాలు తప్పి స్వల్పంగా దెబ్బతిన్నాయి. అయితే, ఎవరికి ఎలాంటి హానీ జరగకపోవడంతో రైల్వే అధికారులు ఊపిరిపీల్చుకున్నారు.
'ఆదివారం ఉదయం 6.30గంటలకు ఎర్నాకులం-దురంతో ఎక్రప్రెస్ దక్షిణ గోవాలోని బాలీ స్టేషన్కు సమీపంలో పట్టాలు తప్పింది. ప్రయాణీకులకు ఎలాంటి హానీ జరగలేదు' అని కొంకణ్ రైల్వే కార్పొరేషన్ లిమిటెడ్ అధికారికి ప్రతినిధి బాబన్ గాట్గే మీడియాకు తెలిపారు. ముంబయిలోని తిలక్ టర్మినల్ నుంచి ఎర్నాకుళం వెళుతుండగా ఈ ఘటన చోటుచేసుకుంది. దీంతో కొంకణ్ రైల్వే మార్గాలు కొంత ఆలస్యం అయ్యే అవకాశం ఉంది.
