TV
ఖైబర్:పాకిస్తాన్ లో సైన్యానికి మిలిటెంట్లకు జరిగిన కాల్పుల్లో భారీ ప్రాణం నష్టం సంభవించింది. తాలిబన్ల వేరివేతలో భాగంగా పాకిస్తాన్ జరిపిన దాడుల్లో ఎనిమిది మంది సైనికులు ప్రాణాలు కోల్పోయారు. ఈ ఘటనలో 21 మంది తాలిబన్లు మృతిచెందగా, భారీ సంఖ్యలో గాయపడ్డారు. బుధవారం ఖైబర్ జిల్లాలోని స్పిన్ కామర్ ప్రాంతంలో పాకిస్తాన్ బలగాలు నిర్వహించిన ఆపరేషన్ లో తాలిబన్లతో తీవ్రంగా పోరాడారు. ఈ క్రమంలో ఎనిమిది మంది పాకిస్తాన్ సైనికులు అసువులు బాసారు. ఈ నెల మొదట్లో ఖైబర్-ఐ పేరుతో ఈ ఆపరేషన్ ను ఆరంభించారు.
గత ఆరునెలల్లో నిర్వహించిన ఆపరేషన్ లో 1,000 మంది ఉగ్రవాదులను అంతమొందించగా, ఈ తాజా ఆపరేషన్ లో 44 మందిని మట్టుబెట్టినట్లు పాక్ ఆర్మీ స్పష్టం చేసింది.
