TV
రన్‌ వేపై విమానాన్ని అడ్డుకున్న కోతులు
న్యూఢిల్లీ: రన్‌ వేపైకి జంతువులు రావడం వల్ల విమానాల రాకపోకలకు అంతరాయం కలుగుతోంది. తాజాగా ఆదివారం గుజరాత్‌లోని అహ్మదాబాద్‌ విమానాశ‍్రయంలో కోతులు ఆటంకం కలిగించాయి.
స్పైస్‌ జెట్‌ బోయింగ్‌ 737 విమానం అహ్మదాబాద్‌ నుంచి చెన్నైకు వెళ్లేందుకు సిద్ధమైంది. విమానం టేకాఫ్‌ తీసుకోవడానికి కొన్ని క్షణాల ముందు కోతులు రన్‌ వేపై ప్రత్యక్షమయ్యాయి. ఈ విషయాన్ని గమనించిన ఎయిర్‌ ట్రాఫిక్‌ కంట్రోల్‌ అధికారులు వెంటనే పైలట్‌ను అప్రమత్తం చేసి విమానాన్ని ఆపేశారు. అదృష్టవశాత్తూ విమానాన్ని సకాలంలో ఆపగలిగామని, ఎవరికీ ప్రమాదం జరగలేదని చెప్పారు. గతంలో జంతువుల వల్ల విమానాలకు అంతరాయం ఏర్పడిన ఘటనలు ఉన్నాయి.
