TV
తీరు మార్చుకోని సల్మాన్ ఖాన్!
ముంబై: తనను తాను అత్యాచారానికి గురైన మహిళతో పోల్చుకుంటూ వివాదాస్పద వ్యాఖ్యలు సల్మాన్ ఖాన్ ఈ విషయంలో క్షమాపణ చెప్పడానికి మరోసారి నిరాకరించారు. అంతేకాకుండా మహారాష్ట్ర మహిళా కమిషన్ ఎదుట హాజరయ్యేందుకు ఆయన నిరాకరించారు. ఈ వివాదంలో సల్మాన్ క్షమాపణ చెప్పాల్సిందేనని మహిళా కమిషన్ డిమాండ్ చేస్తున్న సంగతి తెలిసిందే. ఇందుకు ఆయన నిరాకరించడంతో తమ ఎదుట హాజరుకావాలని సల్మాన్ కు మహిళా కమిషన్ రెండుసార్లు సమన్లు పంపంది.
అయితే, తనను హాజరుకావాలని ఆదేశిస్తూ సమన్లు పంపే చట్టబద్ధ అధికారం మహిళా కమిషన్ కు లేదని సల్మాన్ తన తాజా లేఖలో పేర్కొన్నట్టు తెలిసింది. ఈ మేరకు తాజా సమన్లకు సల్మాన్ తన ప్రతిస్పందనను తెలిపారు. సల్మాన్ ప్రతిస్పందన తమకు అందిందని, అతని లేఖను క్షుణ్ణంగా చదివిన తర్వాత భవిష్యత్ చర్యలు తీసుకుంటామని మహిళా కమిషన్ అధికార ప్రతినిధి తెలిపారు.
