శాంసంగ్ కొత్త ఫోన్లు వచ్చేశాయ్!

స్మార్ట్ఫోన్ల రారాజు, దక్షిణ కొరియా ఎలక్ట్రానిక్ దిగ్గజం శాంసంగ్, రెండు సరికొత్త ఫోన్లను సోమవారం మార్కెట్లోకి విడుదలచేసింది. జే సిరీస్లో  గెలాక్సీ జే7 ప్రైమ్, గెలాక్సీ జే5 ప్రైమ్ పేర్లతో ఈ ఫోన్లను భారత్ మార్కెట్లోకి తీసుకొచ్చింది. గెలాక్సీ జే7 ప్రైమ్ ధర రూ.18,790గాను, గెలాక్సీ జే5 ధర రూ.14,790గాను కంపెనీ నిర్ణయించింది. గెలాక్సీ జే7 ప్రైమ్ స్మార్ట్ఫోన్ను శాంసంగ్ నేటి నుంచి అధికారికంగా వినియోగదారులకు అందుబాటులోకి తెస్తుండగా.. గెలాక్సీ జే5 ప్రైమ్ను సెప్టెంబర్ చివరి నుంచి అమ్మకాలు ప్రారంభించనుంది. గెలాక్సీ జే7 ప్రైమ్కు వొడాఫోన్ బండెల్ డేటా ఆఫర్ను శాంసంగ్ అందిస్తోంది. అదేవిధంగా గెలాక్సీ జే5 ప్రైమ్ కస్టమర్లు 1జీబీ డేటాకు నగదు చెల్లిస్తే, 9 జీబీ డేటాను మూడు నెలల వరకు ఉచితంగా వాడుకునే ఆఫర్ను శాంసంగ్ కల్పిస్తోంది. గెలాక్సీ జే7 ప్రైమ్ను గెలాక్సీ జే7కు అప్గ్రేడెడ్గా, గెలాక్సీ జే5 ప్రైమ్ ఫోన్ను గెలాక్సీ జే5కు అప్గ్రేడెడ్గా తీసుకొచ్చింది.