మనుషులే లేని ఊరు.. అసలు ఎక్కడ ఉంది..?

మనుషులే లేని ఊరు.. అసలు ఎక్కడ ఉంది..?

అరవై ఏళ్లుగా ఈ ఊళ్లో మనుషులెవరూ ఉండట్లేదు. మధ్యయుగ కాలం నాటి ఆ ఊరి పేరు క్రాకో, ఇటలీలోని బాజిలికా ప్రాంతంలో ఉంది.

14 శతాబ్దాల కిందట కట్టుదిట్టంగా ఈ ఊరిని నిర్మించుకున్నారు.

ఆనాటి రక్షణ అవసరాల కోసం దీనిని శత్రుదుర్భేద్యంగా నిర్మించారు. కొండను తొలగించి గ్రామంలోని ఇళ్లు, ప్రార్థనా స్థలాలను పూర్తిగా రాళ్లతోనే ఏర్పాటు చేసుకున్నారు.

రోమన్ చక్రవర్తి ఫ్రెడరిక్ II పాలనలో, ఈ పట్టణం వ్యూహాత్మక సైనిక స్థావరం వలె పనిచేసింది.

తరువాత 14వ శతాబ్దంలో ప్లేగు వ్యాధి సోకి ఈ గ్రామంలో వందలాది మంది చనిపోయారు. ఇక అప్పటి నుంచి ఒకట్రెండు కష్టాలు కొనసాగుతుండటంతో ప్రజలు దీన్ని శాపగ్రస్త గ్రామంగా భావించడం ప్రారంభించారు.

బందిపోట్ల దాడుల్లో గ్రామానికి చెందిన కొందరు చనిపోయారు. కొండచరియలు విరిగిపడి కొందరు చనిపోయారు. చివరిసారిగా 1963లో ఒక భారీ కొండచరియ విరిగిపడటంతో ఊళ్లో భారీ విధ్వంసమే జరిగింది. దాంతో మిగిలిన కొద్దిమంది జనాలు కూడా ఊరిని విడిచిపెట్టి వెళ్లిపోయారు.

అయితే, ఇప్పుడు ఇది పర్యాటక ఆకర్షణగా మారింది. ఇటలీకి వచ్చే చాలా మంది పర్యాటకులు ఈ పట్టణాన్ని ఆసక్తిగా సందర్శిస్తారు.