నేనెంతో అదృష్టవంతురాలిని మమ్మా: సానియా మీర్జా బర్త్‌డే స్పెషల్‌(ఫొటోలు)

భారత టెన్నిస్‌ దిగ్గజం సానియా మీర్జా పుట్టినరోజు నేడు(నవంబరు 15)

ఈ సందర్భంగా సానియాకు సోషల్‌ మీడియా వేదికగా శుభాకాంక్షలు వెల్లువెత్తుతున్నాయి

ఈ నేపథ్యంలో ఈ టెన్నిస్‌ స్టార్‌ షేర్‌ చేసిన పోస్టు వైరల్‌గా మారింది

‘‘హ్యాపీ బర్త్‌డే మై నంబర్‌ వన్‌.. నీ పుట్టినరోజునే నేను జన్మించడం నా అదృష్టం మమ్మా.. హ్యాపీ బర్త్‌డే’’ అని సానియా తన తల్లితో దిగిన ఫొటోను షేర్‌ చేసి ఉద్వేగపూరిత క్యాప్షన్‌ పెట్టింది

అవును.. సానియా మీర్జా తల్లి నసీం మీర్జా పుట్టినరోజు కూడా నేడే మరి!

సానియా మీర్జా నవంబరు 15, 1986లో జన్మించింది

టెన్నిస్‌పై మక్కువతో కఠిన శ్రమకు ఓర్చిన సానియా.. 2005లో 18 ఏళ్ల వయసులో మెల్‌బోర్న్‌లో ప్రొఫెషనల్‌ ప్లేయర్‌గా తన ప్రయాణం మొదలుపెట్టింది

కెరీర్‌లో మొత్తంగా 43 డబుల్స్‌ టైటిళ్లు గెలిచింది.

ఇందులో ఆరు గ్రాండ్‌స్లామ్‌ ట్రోఫీలు ఉండటం విశేషం

మహిళల డబుల్స్‌లో మూడు, మిక్స్‌డ్‌ డబుల్స్‌లో మూడుసార్లు నిలిచింది

అదే విధంగా.. మహిళల డబుల్స్‌ కేటగిరీలో సానియా 91 వారాల పాటు నంబర్‌ 1 ర్యాంకులో కొనసాగింది

సానియా గెలిచిన టైటిళ్లు ఇవే

2006- ఆస్ట్రేలియా ఓపెన్‌- మహేశ్‌ భూపతితో కలిసి మిక్స్‌డ్‌ డబుల్స్‌ విన్నర్‌

2012- ఫ్రెంచ్‌ ఓపెన్‌- మహేశ్‌ భూపతితో కలిసి మిక్స్‌డ్‌ డబుల్స్‌ చాంపియన్‌

2014- యూ​ఎస్‌ ఓపెన్‌- బ్రూనో సోర్స్‌తో కలిసి మిక్స్‌డ్‌ డబుల్స్‌ విజేత

2015- వింబుల్డన్‌- మార్టినా హింగిస్‌తో కలిసి మహిళల డబుల్స్‌ విన్నర్‌

2015- యూఎస్‌ ఓపెన్‌- మార్టినా హింగిస్‌తో కలిసి మహిళల డబుల్స్‌ విజేత

2016- ఆస్ట్రేలియా ఓపెన్‌- మార్టినా హింగిస్‌తో కలిసి మహిళల డబుల్స్‌ చాంపియన్‌

2023లో రిటైర్మెంట్‌ ప్రకటించిన సానియా మీర్జా

పాక్‌ క్రికెటర్‌ షోయబ్‌ మాలిక్‌ను పెళ్లాడిన సానియాకు కుమారుడు ఇజహాన్‌ జన్మించాడు

అయితే, మాలిక్‌కు సానియా విడాకులు ఇచ్చింది

పాక్‌ నటి సనా జావెద్‌ను షోయబ్‌ పెళ్లాడిన తర్వాత ఈ విషయం బయటకు వచ్చింది