లండన్: యూకేలో  వేల్స్ కు చెందిన ఒక నిర్మాణ కంపెనీలో పనిచేస్తోన్న థామస్ స్టైల్స్(25) అశ్లీల చిత్రాలకు బానిసై వాటిని కొనుగోలు చేసేందుకు తాను పనిచేస్తోన్న చోట అక్రమాలకు పాల్పడ్డాడు. కంపెనీ బిల్లల మొత్తాన్ని ఇష్టానికి మార్చుకుంటూ సుమారు రూ. 21 లక్షలు దోచుకున్నాడు.  థామస్ స్టైల్స్(25) అట్లాంటిక్ క్లాడింగ్ అనే ఒక నిర్మాణ సంస్థలో పనిచేస్తున్నాడు. ఈ మధ్యనే తన ప్రతిభకు మెచ్చుకుంటూ మేనేజరుగా కూడా ప్రమోషన్ ఇచ్చింది కంపెనీ. ఆనతి కాలంలోనే వ్యాపార లావాదేవీల తాలూకు ఆర్ధిక చెల్లింపులు చేసే స్థాయికి ఎదిగాడు. మనిషి ఎదిగినప్పుడే బుద్ధి గడ్డి తింటుందన్నట్టు మంచి ఉద్యోగం ఉన్నప్పుడు ఆ గౌరవాన్ని కాపాడుకోకుండా తనకున్న వ్యసనానికి కంపెనీ డబ్బును పాడుచేశాడు. అశ్లీల వెబ్ సైట్ల మాయలో పడి తాను పనిచేస్తోన్న కంపెనీలో భారీ స్థాయిలో అవకతవకలకు పాల్పడ్డాడు.  ఇష్టానుసారంగా బిల్లులు పెంచుకుంటూ పోయి తన పిచ్చిలో తాను మునిగి  తేలేవాడు. అంతలో పెరుగుతున్న బిల్లులను చూసి కంపెనీ వారికి అనుమానం రావడంతో తీగ లాగారు. డొంకంతా కదిలింది. మే 4 నుంచి జులై 31, 2021 వ్యవధిలో మొత్తం బిల్లుల అక్రమాలను లెక్క వేయగా సుమారు రూ. 21 లక్షలుగా తేలింది.  అంత మొత్తాన్ని ఏం చేశాడని ఆరా తీయగా విషయం తెలుసుకుని నివ్వెరపోయిన కంపెనీ యాజమాన్యం పోలీసులను ఆశ్రయించింది.  కంపెనీ నమ్మకాన్ని వమ్ము చేసినందుకు న్యాయస్థానం థామస్ ను దోషిగా తేల్చి మొదట 2 సంవత్సరాలు జైలు శిక్ష విధించాలని భావించింది. కానీ జడ్జి దయ తలచి శిక్షను 10 నెలలకు కుదించారు. నెలకు 500 పౌండ్ల చొప్పున కంపెనీకి తిరిగి చెల్లించాలని తీర్పునిచ్చారు.      ఇది కూడా చదవండి: బెలారస్ లో వాగ్నర్‌ సైన్యం.. అంతా ప్లాన్ ప్రకారమే..?

చిత్రవిచిత్ర వేషధారణతో నిత్యం వార్తల్లో నిలుస్తోంది ఉర్ఫీ జావెద్‌. సోషల్‌ మీడియా యూజర్లకు పెద్ద పరిచయం అక్కర్లేని ఉర్ఫీ తన డ్రెస్సింగ్‌తో నెట్టింట చేసే రచ్చ అంతా ఇంతా కాదు. వెరైటీ డ్రెస్సులతో సోషల్‌ మీడియా సెన్సేషన్‌గా మారిన ఉర్ఫీ  డిఫరెంట్‌ ఫ్యాషన్‌ వేర్‌తో ఎన్నోసార్లు ట్రోల్స్‌ బారిన పడింది. అయినా తీరు మార్చుకోకపోగా రోజుకో వేషధారణలో దర్శనమిస్తుంటుంది. ఇదిలా ఉండగా తాజాగా ఓ ఇంటర్వ్యూలో మాట్లాడుతూ చిన్నప్పుడు తనకు ఎదురైన చేదు అనుభవాన్ని పంచుకుంది. 15ఏళ్ల వయసులో ఓసారి హాఫ్ షోల్డర్ టాప్‌ వేసుకొని పోటో తీసి ఫేస్‌బుక్‌లో పోస్ట్‌ చేశాను. అది కాస్తా ఎవరో మార్ఫింగ్‌ చేసి పోర్న్‌సైట్‌లో పెట్టేశారు. దీంతో​ మా కుటుంబం సహా ఊర్లో రచ్చ రచ్చ అయిపోయింది. అయితే తన తప్పు లేకపోయినా ఆఖరికి కుటుంబసభ్యులు కూడా నన్నే తప్పుబట్టారు అని పేర్కొంది. కాగా సోషల్‌ మీడియాలో యాక్టివ్‌గా ఉండే ఉర్ఫీ నటన కంటే బోల్డ్‌ డ్రెస్సింగ్‌తోనే ఎక్కువగా వార్తల్లో నిలిచిన సంగతి తెలిసిందే.  ఇక హిందీ బిగ్‌బాస్‌ ఓటీటీతో మరింత పాపులారిటీ దక్కించుకుంంది. 

బెంగళూరు: కొందరికి కొన్ని అలవాట్లు ఉండడం సహజమే, కానీ అవే వ్యసనంగా మారితే వాటి వల్ల తీవ్ర పరిణామాలు ఎదుర్కోవాల్సి ఉంటుంది. ఓ వ్యక్తి పోర్న్‌ సైట్స్‌ను చూడటం వ్యసనంగా మారడంతో వద్దన్న భార్యను వేధింపులకు గురి చేసి చిత్ర హింసలు పెట్టాడు. ఎంతో ఓపికతో ఉన్న ఆ మహిళ భర్త ఆగడాలను భరించలేక చివరకు కోర్టు మెట్లు ఎక్కాల్సి వచ్చింది.  ఈ ఘటన కర్ణాటకలోని బెంగళూరులో చోటు చేసుకుంది.  జయనగర్‌లో ఉంటున్న ఓ మహిళకు నవంబర్ 2019లో వివాహమైంది. అయితే గత కొంత కాలం నుంచి తన భర్త పోర్న్ సైట్‌లను చూడటం ప్రారంభించాడు. ఆ అలవాటు కాస్త వ్యసనంగా మారింది. దీంతో పాటు రాత్రిపూట కాల్ గర్ల్స్‌తో ఆన్‌లైన్‌లో చాటింగ్ చేయడంతో పాటు వారి కోసం డబ్బులు కూడా ఖర్చు పెట్టేవాడు. అయితే ఇటీవల తన భర్త మ్యాట్రిమోనియల్ సైట్‌లో తన పేరు మీద అకౌంట్‌ ఓపన్‌ చేయడంతో అందులో తను విడాకులు తీసుకున్నట్లు పేర్కొన్నాడు. దీంతో భరించలేని ఆమె తన భర్త అలవాట్ల గురించి అతని తల్లిదండ్రులకు కూడా ఫిర్యాదు చేసినా ప్రయోజనం లేకుండా పోయిందిని. అలా వీటన్నిటిని భరిస్తూ వచ్చిన ఆ మహిళ చివరికి తన ప్రవర్తన మార్చుకోవాలని వారించినందుకు ఆమెను వేధించడం ప్రారంభించాడు. పాడైన ఆహారం పెట్టేవాడు. అంతేగాక ఆమెను ఇంటికే ప‌రిమితం చేసి హింసించాడు. చివరికి చేసేదేమి లేక ఆమె తనకు న్యాయం చేయాలని కోర్టుని ఆశ్రయియింది. దీంతో కోర్టు మహిళ భ‌ర్త‌పై ఎఫ్ఐఆర్ న‌మోదు చేయాల‌ని పోలీసుల‌ను ఆదేశించింది. చదవండి: భూతవైద్యం చేసే మహిళతో ‘సంబంధం’.. ఇటీవల దూరం పెట్టడంతో...

సాక్షి, న్యూఢిల్లీ : కరోనా కట్టడిలో భాగంగా దేశం మొత్తం లాక్‌డౌన్‌ అమలవుతున్న విషయం తెలిసిందే. ఆఫీసులు మూతపడటం, రవాణా లేకపోవడతంతో ప్రజలంతా ఇళ్లకే పరిమితమయ్యారు. రోజు మొత్తం ఏం చేయాలో తోచట్లేదు. ఇక స్కూళ్లు, కాలేజీలు కూడా మూతపడటంతో... యువకులు, విద్యార్థులు కూడా ఇళ్లలోనే ఉండాల్సి వస్తోంది. ఇలాంటి పరిస్థితుల్లో దేశంలో అశ్లీల వెబ్‌సైట్లకు వీక్షకుల రద్దీ బాగా పెరిగిపోయింది. లాక్‌డౌన్ కారణంగా ఎక్కువ మంది పోర్న్ వీడియోలతో కాలక్షేపం చేస్తున్నారని ఇటీవల జరిపిన ఓ సర్వేలో తేలింది.  సర్వే ప్రకారం... ఆన్‌లైన్‌లో అశ్లీల సైట్ల వాడకం 95 శాతం పెరిగింది. ఇందులో 89 శాతం మంది తమ మొబైళ్ల ద్వారానే అశ్లీల వెబ్‌సైట్లను చూస్తున్నారు. ఇక ఇండియాలో  పోర్న్ యూజర్లలో 30-40 శాతం మంది రోజూ అశ్లీల వీడియోలను డౌన్‌లోడ్ చేసుకుంటున్నారు. దేశంలో 3500 పోర్న్ వెబ్‌సైట్లపై నిషేధం ఉన్నప్పటికీ... ఎలాగొలా వేరే వెబ్‌సైట్లు వెతుక్కొని చూస్తున్నారు.పెద్దవాళ్లు చూసినా పర్లేకానీ, కౌమారదశలో ఉన్నవారు అశ్లీల వీడియోలను ఎక్కువగా చూడడం ఆందోళనను కలిగిస్తోంది. కొన్నేళ్ల కిందట బెంగళూరులోని 10 స్కూళ్లలో చదువుకుంటున్న 400 మంది విద్యార్థులపై ఓ సర్వే చేయగా..  కనీసం 70శాతం మంది అశ్లీల చిత్రాలు చూస్తున్నారని తేలింది. వీరంతా కూడా 10 ఏళ్లలో ఉండడం గమనార్హం.  వెలాసిటీ ఎంఆర్‌ అనే పరిశోధనా సంస్థ ప్రకారం, భారతదేశంలోని పెద్ద నగరాల్లో నివసిస్తున్న తల్లిదండ్రులలో 90 శాతం మంది తమ పిల్లలకు చదువులో ఇంటర్నెట్ సహాయపడుతుందని భావిస్తున్నారు. ప్రతి పదిమందిలో 9 మంది విద్యార్థుల తల్లిదండ్రులు తమ పిల్లలు ఇంటర్నెట్‌ను కేవలం చదువుకు కోసం మాత్రమే వినియోగిస్తున్నారని భావిస్తున్నారట. పిల్లలు మొబైల్‌లో ఎలాంటి వీడియోలో చూస్తున్నారో కూడా వారి పరిశీలించడం లేదట. ఆరు, ఏడేళ్ల పిల్లలు కూడా అశ్లీల వీడియోలు చూస్తుండడం ఆందోళన కలిగించే అంశం.  ఇక అశ్లీల విషయాలను చూసే విషయంలో భారతదేశం ప్రపంచంలో మూడవ స్థానంలో ఉంది. అమెరికా మరియు బ్రిటన్లలో అత్యంత అశ్లీలమైన కంటెంట్‌ చూస్తున్నారని పరిశోధన సంస్థలు వెల్లడించాయి. తక్కువ ధరలకు డేటా లభ్యత భారతదేశానికి ఒక వరం, అయితే అదే సమయంలో యువ తరం, విద్యార్థులు ఈ ఉచ్చుకు బలైపోతున్నారని నిపుణులు ఆందోళన వ్యక్తం చేస్తున్నారు.

సింగపూర్‌ : దేశవ్యాప్తంగా లాక్‌డౌన్‌ కొనసాగుతున్న వేళ పలువురు అశ్లీల వెబ్‌సైట్‌ల వీక్షించడానికి ఆసక్తి కనబరుస్తున్నట్టు తెలుస్తోంది. ఈ క్రమంలోనే ప్రపంచవ్యాప్తంగా పోర్న్‌ వీక్షణలో ఇండియా టాప్‌ ప్లేస్‌లో నిలిచింది. కరోనా కట్టడిలో భాగంగా విధించిన లాక్‌డౌన్‌ సమయంలో.. ఇండియాలో అశ్లీల సైట్లకు వీక్షకుల రద్దీ 95 శాతం పెరిగింది. మార్చి చివరి వారంలో లాక్‌డౌన్‌ అంక్షలు ప్రారంభమయ్యే సమయంలో భారత్‌లో పోర్న్ కంటెంట్ వీక్షకుల పెరుగుదల 20 శాతంగా ఉంది. ఈ మేరకు ప్రపంచంలోని అతిపెద్ద పోర్న్ సైట్ అయిన పోర్న్‌హబ్ గణాంకాలను విడుదల చేసింది. ఇండియాలో టెలికామ్‌ కంపెనీ చాలా మేరకు అడల్ట్‌ సైట్స్‌ను బ్లాక్‌ చేసినప్పటికీ.. కొన్ని సైట్లు అందుబాటులో ఉన్నాయి.  ప్రపంచంలోని పలు దేశాల్లో కూడా లాక్‌డౌన్‌ విధించిన తర్వాత పోర్న్‌ వీక్షకుల సంఖ్య ఒక్కసారిగా పెరిగిందని ఆ గణంకాల ద్వారా వెల్లడైంది. ఐరోపాలో చాలా భాగం దాదాపు నెల రోజుల నుంచి కఠినమైన లాక్‌డౌన్‌లో ఉన్న సంగతి తెలిసిందే. మార్చి 17న ఫ్రాన్స్‌లో లాక్‌డౌన్ ప్రారంభమైన తర్వాత పోర్న్‌ వీక్షకుల సంఖ్య 40 శాతం పెరిగారు. జర్మనీలో మార్చి 22న లాక్‌డౌన్ ప్రారంభమైనప్పుడు అడల్ట్‌ సైట్‌లకు ట్రాఫిక్ 25 శాతం పెరిగింది. కరోనా విజృంభణతో ఇటలీలో పరిస్థితులు దారుణంగా ఉన్నప్పటికీ పోర్న్‌ వీక్షణలో 55 శాతం పెరుగుదల కనిపిస్తోందని గణంకాలు తెలిపాయి.  కరోనా కట్టడి కోసం లాక్‌డౌన్‌ కొనసాగుతున్న నేపథ్యంలో.. చాలా మంది ఇళ్లకే పరిమితమైన సంగతి తెలిసిందే. నిత్యావసరాలు మినహా విద్యాసంస్థలు, ఆఫీస్‌లు, పరిశ్రమలు అన్ని మూతపడ్డాయి. ఈ క్రమంలోనే స్మార్ట్‌ ఫోన్‌ వినియోగంలో ముందు వరుసలో ఉన్న ఇండియాలో పోర్న్‌ వీక్షకుల సంఖ్య పెరిగినట్టుగా తెలుస్తోంది.

సాక్షి, సిటీబ్యూరో: క్రమం తప్పకుండా పాఠశాలకు వెళ్లి చదువుకుంటున్న 13ఏళ్ల పిల్లాడిని ఓ సినిమా పోస్టర్‌ వక్రమార్గం పట్టించింది. నగరంలో అక్కడక్కడ మెట్రో పిల్లర్లు, హోర్డింగ్‌లపై కనిపించిన ఆ సినిమా  పోస్టర్లలోని అశ్లీల దృశ్యాలు ఆ చిన్నారిని స్కూల్‌కు దూరం చేశాయి. సినిమాలో ‘ఇంకా ఏదో ఉంటుందనే’ ఉద్దేశంతో అతడు థియేటర్‌కు వెళ్లాడు. క్రమంగా సినిమా ఒక వ్యసనంగా మారింది. సరిగ్గా అలాంటి సమయంలోనే  మాదాపూర్‌లోని తమ ఇంటి నాలుగో అంతస్తుకు ఎదురుగా ఉన్న అమ్మాయిల వసతి గృహంపై అతడి దృష్టి పడింది. రాత్రి వేళల్లో ఆ హాస్టల్‌లోంచి వినిపించే నీళ్ల చప్పుడు అతనిలో మరింత క్యూరియాసిటీని పెంచింది. అప్పటికే తండ్రి కొనిచ్చిన ఖరీదైన స్మార్ట్‌ఫోన్‌ అతని చేతిలో ఉంది. రాత్రివేళ బాత్‌రూమ్‌లలో స్నానం చేస్తున్న  అమ్మాయిలు ఆ కుర్రాడి కంటపడ్డారు. మరో ఆలోచనకు తావులేకుండా తన స్మార్ట్‌ఫోన్‌లో ఆ దృశ్యాలను చిత్రీకరించడం ప్రారంభించాడు. సుమారు నెల రోజులకు పైగా కొనసాగిన ఈ దారుణం రెండు రోజుల క్రితం బయటపడిన విషయం విదితమే. తాము స్నానం చేస్తుండగా పిల్లాడు వీడియో చిత్రీకరించినట్లు గమనించిన ఇద్దరు యువతులు పోలీసులకు ఫిర్యాదు చేయడంతో ఇది వెలుగులోకి వచ్చింది. ప్రస్తుతం పోలీసుల సమక్షంలో మనస్తత్వ నిపుణులు ఆ పిల్లాడికి కౌన్సెలింగ్‌ నిర్వహిస్తున్నారు. స్కూల్‌కు వెళ్లి బాగా చదువుకోవాల్సిన పిల్లాడు అలాంటి తప్పుడు చర్యలకు పాల్పడడం చర్చనీయాంశంగా మారింది. ఇదొక్కటే కాదు... నగరంలో బాల్యాన్ని నేరమయం చేస్తున్న ఉదంతాలు పెద్ద సంఖ్యలో నమోదవుతున్నాయి. పిల్లలు ఏదో ఒక రకమైన లైంగిక ప్రేరణలకు గురై తమకు తెలియకుండానే నేరాలకు పాల్పడుతున్నారు. ‘ఇంటర్నేషనల్‌ జస్టిస్‌ మిషన్‌’ అధ్యయనం ప్రకారం ఇలాంటి నేరపూరితమైన వాతావరణంలో హైదరాబాద్‌ దేశంలోనే మూడో స్థానంలో ఉండడం గమనార్హం. ఇందులో ఉత్తరప్రదేశ్, మహారాష్ట్ర తొలి రెండు స్థానాల్లో ఉన్నాయి.   నేరం ఎవరిది?   అభం శుభం తెలియని పిల్లలను నేరాల బాట పట్టిస్తున్న అసలు నేరస్తులెవరు? బాగా చదువుకొని గొప్ప ప్రయోజకులు కావాల్సిన పిల్లలు ఇలాంటి తప్పుడు మార్గాల వైపు ఎందుకు ఆకర్షితులవుతున్నారు? సినిమాలు, అశ్లీల సాహిత్యం వైపు పిల్లలను నెట్టివేయడంలో ఇంటర్నెట్‌లో తామరతంపగా వెలుస్తున్న పోర్న్‌సైట్‌లు  అమాయకులైన పిల్లలను ప్రేరేపిస్తున్నట్లు ఇంటర్నేషనల్‌ జస్టిస్‌ మిషన్‌ ఆందోళన వ్యక్తం చేసింది. అశ్లీల దృశ్యాలను గుప్పించే సినిమాలు, ఇతర మాధ్యమాలు అందుకు మరింత ఆజ్యం పోస్తున్నట్లు  అభిప్రాయపడింది. మాదాపూర్‌లో అమ్మాయిల స్నాన దృశ్యాలను చిత్రీకరిస్తూ పట్టుబడిన పిల్లవాడు  ‘అలా చేయడం తప్పని తనకేమాత్రం తెలియదని’ పోలీసుల సమక్షంలో పేర్కొనడం గమనార్హం. అప్పటి వరకు క్రమం తప్పకుండా స్కూల్‌కు వెళ్లిన ఆ చిన్నారి దానికి బానిసగా మారి నిద్రాహారాలకు, స్కూల్‌కు దూరమయ్యాడు. ఎంతోమంది పిల్లలపై ఇలాంటి ఇంటర్నెట్‌ నీలినీడలే ముసురుకుంటున్నాయి. పిల్లలకు ఖరీదైన వస్తువులు కొనివ్వడమే తమ విలాసవంతమైన జీవనశైలికి నిదర్శనమని భావించే తల్లిదండ్రులు సైతం పరోక్షంగా ఈ నేరాల్లో భాగస్వాములవుతున్నారు. మరోవైపు ఉన్నతమైన నైతిక విలువలను పెంపొందించే విద్యను బోధించకుండా కేవలం మార్కులు, ర్యాంకులు సంపాదించే ఎడ్యుకేషనల్‌ ఇన్‌స్ట్రుమెంట్లుగా పిల్లలను తయారు చేస్తున్న విద్యాసంస్థల భాగస్వామ్యం కూడా ఉంది. పిల్లలకు మొబైల్‌ ఫోన్‌లు ఇస్తున్న తల్లిదండ్రులు ఆ తర్వాత వారిపైన ఎలాంటి నిఘా ఉంచడం లేదు. మొబైల్‌ ఫోన్‌ను పిల్లలు ఎలా వినియోగిస్తున్నారనే దృష్టి కూడా లేకుండా పోతోంది. మరోవైపు ఉద్యోగం, వ్యాపారం ఇతర అనేక కారణాలతో పిల్లలు, తల్లిదండ్రులకు మధ్య  దూరం పెరుగుతోంది. నిత్యం పిల్లలను అంటిపెట్టుకొని ఉండడంలో, వాళ్లను సరైన మార్గంలో నడిపించడంలో తల్లిదండ్రులు విఫలమవుతున్నారు. పిల్లల కోసం బాగా సంపాదించి పెట్టడమే గొప్ప కార్యక్రమంగా భావిస్తున్నట్లు ఇంటర్నేషనల్‌ జస్టిస్‌ మిషన్‌ విస్మయం వ్యక్తం చేసింది. ఉమ్మడి వేదిక అవసరం... ఈ నెల 13 నుంచి 15 వరకు కోల్‌కతాలో జరిగిన ఇంటర్నేషనల్‌ జస్టిస్‌ మిషన్‌ సమావేశంలో దేశంలోని వివిధ రాష్ట్రాలతో పాటు అమెరికా, నెదర్లాండ్స్, ఉగాండ, శ్రీలంక, చైనా, భూటాన్, ఫ్రాన్స్, ఇటలీ, జర్మనీ తదితర 20 దేశాలకు చెందిన పోలీసు ఉన్నతాధికారులు, ఫోరెన్సిక్‌ నిపుణులు, ప్రభుత్వ, ప్రభుత్వేతర సంస్థల ప్రతినిధులు  పాల్గొన్నారు. ఇందులో హైదరాబాద్‌ నుంచి బాలల హక్కుల సంఘం అధ్యక్షుడు అచ్యుతరావు పాలుపంచుకున్నారు. ప్రస్తుత డిజిటల్‌ ప్రపంచంలో పిల్లలపై జరుగుతున్న లైంగిక దోపిడీ, లైంగిక నేరాలకు బానిసలుగా మారుస్తున్న ఇంటర్నెట్‌ సైట్‌లపై ఈ సమావేశం విస్తృతంగా చర్చించింది. అన్ని దేశాల్లో పిల్లల పెంపకానికి సవాల్‌గా మారిన పోర్న్‌సైట్‌లను అరికట్టేందుకు సాంకేతికంగా సహాయ సహకారాలు అందజేసేందుకు ఒక ఉమ్మడి వేదిక అవసరమని తీర్మానించింది. ఎక్కడ ఎలాంటి నేరాలు జరిగినా వెంటనే నియంత్రించే విధంగా  పరస్పర సహకారం అవసరమని పేర్కొంది. అలాగే స్మార్ట్‌ఫోన్‌లలో ప్రతి స్మార్ట్‌ ఫోన్‌కు వెబ్‌లాక్‌ యాప్స్‌ తప్పనిసరిగా ఉండాలని పేర్కొంది. సైబర్‌ నేరాలు, చట్టాలపై పిల్లల్లో అవగాహన కల్పించేందుకు స్కూళ్లు, కళాశాలలు, సామాజిక సంస్థలు కృషి చేయాలని  స్పష్టం చేసింది.   వాస్తవాలివీ...   ♦ ప్రపంచంలో ప్రతి నిమిషానికి ఎనిమిది బాలల సైబర్‌ నేరాలు నమోదవుతున్నాయి. ♦ పిల్లల నేరాల్లో 71శాతం ఇంటర్నెట్‌ వెబ్‌సైట్‌లదే ప్రధాన పాత్ర. ♦ 15ఏళ్ల లోపు పిల్లలు 63శాతం మంది పోర్న్‌సైట్‌ల బారినపడ్డారు.   ♦ పోర్నోగ్రఫీ ఎక్స్‌ప్లాయిటేషన్‌లో అమెరికా తొలి స్థానంలో ఉండగా, ఇండియా ఆరో స్థానంలో ఉంది. ♦ మన దేశంలో పోర్న్‌సైట్లను చూసి నేరాలకు పాల్పడుతున్న పిల్లలు ఎక్కువగా నమోదువుతున్న రాష్ట్రాల్లో ఉత్తరప్రదేశ్, మహారాష్ట్ర, హైదరాబాద్‌ తొలి మూడు స్థానాల్లో ఉన్నాయి.  

ఓ బోల్డ్‌ సీన్‌లో నటించినందుకుగానూ నటి రాజశ్రీ దేశ్‌పాండేకు ఊహించని షాక్‌ తగిలింది. వెబ్‌ సిరీస్‌ సాక్రెడ్‌ గేమ్స్‌లో ఓ సీన్‌లో ఆమె టాప్‌లెస్‌గా నటించారు. అయితే ఆ సీన్‌ను అశ్లీల సైట్లలో  అప్‌లోడ్‌ చేసిన కొందరు.. పోర్న్‌ నటిగా ఆమె పేరును ప్రచారం చేస్తున్నారు. దీంతో ఆమె మండిపడుతున్నారు. ‘అడల్డ్‌ స్టార్‌.. బోల్డ్‌ యాక్టర్‌... ఈ రెండింటికి వ్యత్యాసం ఉంది. కథను అనుగుణంగా ఆ సీన్‌ అవసరం. అందుకే అలా నటించా, ఆ మాత్రానికే నన్నో పోర్న్‌ నటిగా ప్రచారం చేయటం దారుణం. అలాగనీ వారికి బదులు చెప్పాల్సిన అవసరం లేదు. బోల్డ్‌సీన్లు నటించే క్రమంలో ఇలాంటి విమర్శలు సహజం. పట్టించుకోవాల్సిన అవసరం నాకు అంతకన్నా లేదు’ అని ఆమె వివరణ ఇచ్చారు. సాక్రెడ్‌ గేమ్స్‌లో నవాజుద్దీన్‌ వైఫ్‌ క్యారెక్టర్‌లో నటించిన రాజశ్రీ.. ఓ సీన్‌లో టాప్‌ లెస్‌గా నటించారు. ఈ నేపథ్యంలో పోర్న్‌ సైట్లలో సైతం ఆ సీన్‌ దర్శనమివ్వటం గమనార్హం. అంతేకాదు ఈ వెబ్‌ సిరీస్‌లో అశ్లీలత, అసభ్యత ఎక్కువగా ఉందంటూ సెన్సార్‌ బోర్డుకు పలు ఫిర్యాదులు కూడా అందాయి.   అడల్ట్‌ కంటెంట్‌.. పచ్చి బూతులు


 న్యూఢిల్లీ:  గుట్టుచప్పుడు కాకుండా ఆన్లైన్‌లో భార్య సాగిస్తున్న వ్యభిచార వ్యాపారానికి సైబర్ క్రైం పోలీసుల సహాయంతో చెక్ పెట్టాడో భర్త. ఇళ్లలో పని చేస్తోందనుకున్న తన భార్య అసలు స్వరూపం తెలుసుకుని షాకయ్యాడు. ఆ తర్వాత తేరుకుని పోలీసులకు పట్టిచ్చాడు. ఇదంతా న్యూఢిల్లీలో  చోటు చేసుకుంది.
  
 ఆన్లైన్‌లో తన భార్య చేస్తున్న పాడు పని గురించి తెలుసుకుని భర్త  మొదట షాకయ్యాడు. భార్య స్నేహితురాలు ఇచ్చిన సమాచారం ఆధారంగా ఆమెపై నిఘా పెట్టాడు. పనిమనిషి ముసుగులో భార్య సాగిస్తున్న వ్యాపారం వెలుగులోకి వచ్చింది.  ఆన్లైన్ లో సాగిస్తున్న కార్యకలాపాల గుట్టు రట్టయింది. దీనికి సంబంధించిన రెండు వీడియోలలో తన భార్య కూడా దర్శనమివ్వడంతో విస్తుపోయాడు. ఆనక పోలీసులకు సమాచారం అందించాడు.
 
 ఇళ్లలో పనిమనిషిగా పనిచేస్తున్నానని సదరు భార్య మొదట అదంతా అబద్ధమంటూ బుకాయించింది. తాను ఎలాంటి అక్రమ కార్యకలాపాలు సాగించడంలేదని వాదించింది. కానీ ఆమె పనిచేస్తున్న  ప్రదేశంలో కూడా ఇలాంటి వ్యవహారమే నడుస్తోందని పోలీసుల విచారణలో తేలింది. కేసు నమోదుచేసిన పోలీసులు,  తెరవెనుక హస్తాలపై ఆరా తీస్తున్నారు.