విలువిద్య పోటీల్లో గుండ్రటి బోర్డుపై ఉండే ‘బుల్స్‌ ఐ’ని ఆటగాళ్లెవరైనా గురిచూసి కొడితేనే ఆహా అద్భుతం అని మెచ్చుకుంటాం.. అలాంటిది ఓ చిన్న బెజ్జంలోంచి బాణాలను సంధించగల నేర్పరిని ఇంకేమని పొగడాలి?! ఎందుకంటే.. డెన్మార్క్‌కు చెందిన ప్రపంచ ప్రఖ్యాత విలుకాడు లార్స్‌ ఆండర్‌సెన్‌ నమ్మశక్యంకాని రీతిలో దీన్ని చేసి చూపించాడు మరి!! సంప్రదాయ ‘ఒట్టోమ్యాన్‌’ విల్లును ఉపయోగించి 30 అడగుల దూరంలో అది కూడా కేవలం ఒక సెంటీమీటర్‌ సైజున్న ‘కీహోల్‌’లోంచి అలవోకగా ఏడు బాణాలను వెంటవెంటనే సంధించాడు. కీహోల్‌లోకి బాణాలు దూరగలిగేందుకు వీలుగా ఈకల్లేని కార్బన్‌ బాణాలను ఉపయోగించాడు. ఇటీవల అతను చేసిన ఈ ప్రయోగం ద్వారా ‘కీహోల్‌లోంచి వరుసగా అత్యధిక బాణాలను సంధించిన వ్యక్తి’గా సరికొత్త గిన్నిస్‌ రికార్డును సృష్టించాడు. ఇందుకు సంబంధించిన సుమారు నిమిషం నిడివిగల వీడియో తాజాగా నెట్టింట వైరల్‌గా మారింది. ఆండర్‌సెన్‌ ప్రతిభను చూసిన నెటిజన్లు నోరెళ్లబెడుతున్నారు. ఆండర్‌సెన్‌ ఇప్పటికే ఈ తరహా ఎన్నో అద్భుతాలను చేసి చూపించాడు. చదవండి: మద్యం మత్తులో బీజేపీ ఎమ్మెల్యే కొడుకు హంగామా.. నడిరోడ్డుపై.. విల్లు నుంచి ఏకకాలంలో ఎన్నో బాణాలను గురిచూసి సంధించడం, కేవలం 4.9 సెకన్ల వ్యవధిలో 10 బాణాలను వదలడం, బాణాలు గాల్లో వంపు తిరిగేలా సంధించడం, కదిలే లక్ష్యాలను బాణాలతో ఛేదించడం వంటి ఎన్నో ప్రయోగాలను విజయవంతంగా చేశాడు. విలువిద్యకు పూర్వ వైభవం తెచ్చే ఉద్దేశంతోనే తాను ఈ తరహా ప్రయోగాలు చేస్తున్నట్లు అతను చెప్పాడు. 

కొనసాగుతున్న భారత పరాజయాల పరంపర.. మహిళల హాకీలోనూ ఓటమి టోక్యో ఒలింపిక్స్‌లో మూడో రోజు భారత పరాజయాల పరంపర కొనసాగింది. ఇవాళ జర్మనీతో జరిగిన రెండో పూల్‌ మ్యాచ్‌లో భారత్‌ 0-2తేడాతో ఓటమిపాలైంది. జర్మనీ క్రీడాకారిణలు అన్నె ష్క్రోడర్‌, జెట్‌ ఫ్లెష్చుడ్చ్‌ చెరో గోల్‌ సాధించి ఆ జట్టును గెలిపించారు. దీంతో వరుసగా రెండో రోజు భారత్‌ ఖాతాలో ఒక్క పతకం కూడా చేరలేదు. ఇదిలా ఉంటే భారత ఖాతాలో ఇప్పటివరకు ఒక్క పతకం మాత్రమే ఉంది. మహిళల వెయిట్‌లిఫ్టింగ్‌లో మీరాబాయి చాను రజత పతకాన్ని సాధించింది.  హీట్స్‌లోనే స్విమ్మ‌ర్ స‌జ‌న్ ప్ర‌కాశ్ ఔట్‌ టోక్యో ఒలింపిక్స్‌లో భారత అథ్లెట్ల నిరాశాజ‌న‌క‌మైన ప్ర‌ద‌ర్శ‌న కొన‌సాగుతూ ఉంది. తాజాగా స్విమ్మ‌ర్ స‌జ‌న్ ప్రకాశ్ కూడా హీట్స్‌లోనే ఇంటిదారి ప‌ట్టాడు. 200 మీట‌ర్ల బ‌ట‌ర్‌ఫ్లై హీట్ 2లో పోటీ ప‌డిన స‌జ‌న్‌.. నిమిషం 57.22 సెక‌న్ల‌లో రేస్‌ పూర్తి చేసి నాలుగో స్థానంలో నిలిచాడు. మొత్తంగా 5 హీట్స్ నుంచి 16 మంది సెమీఫైన‌ల్‌కు క్వాలిఫై కాగా.. స‌జ‌న్ మాత్రం 24వ స్థానంతో స‌రిపెట్టుకున్నాడు. 75 కేజీల విభాగంలో భారత బాక్సర్ ఆశిష్ కుమార్‌ ఓటమి టోక్యో ఒలింపిక్స్‌లో మ‌రో భారత బాక్స‌ర్ ఇంటిదారి ప‌ట్టాడు. పురుషుల 69-75 కేజీల మిడిల్ వెయిట్‌ విభాగంలో ఆశిష్ కుమార్ రౌండ్ ఆఫ్ 32 కూడా దాట‌లేక‌పోయాడు. చైనా బాక్స‌ర్ ఎర్బీకె తౌహెటా చేతిలో 0-5తో ఓడిపోయాడు. తొలి రెండు రౌండ్ల‌లో ఐదుగురు జ‌డ్జ్‌లు చైనా బాక్స‌ర్ వైపే మొగ్గు చూపారు. మూడో రౌండ్‌లో ఆశిష్ కాస్త కోలుకొని పైచేయి సాధించినా విజ‌యం మాత్రం తౌహెటానే వ‌రించింది. ఆశిష్ త‌న ప్ర‌త్య‌ర్థిపై పంచ్‌లు బాగానే విసిరానా.. చైనా బాక్స‌ర్ టెక్నిక‌ల్ గేమ్‌తో ఆశిష్‌ను బోల్తా కొట్టించాడు. టేబుల్‌ టెన్నిస్‌ మహిళల సింగిల్స్‌లో మనిక బత్రా ఓటమి టోక్యో ఒలింపిక్స్‌లో టేబుల్‌ టెన్నిస్‌ మహిళల సింగిల్స్‌ మూడో రౌండ్‌లో మనిక బత్రా ఓటమిపాలైంది. మూడో రౌండ్‌లో  మనిక బత్రా ఆస్టియాకి చెందిన సోఫియా పాల్కనోవా చేతిలో 4-0 తేడాతో ఓడి టోర్నీ నుంచి వైదొలిగింది. మొదటి సెట్‌ నుంచి ఆధిక్యం ప్రదర్శంచిన సోఫియా జోరు ముందు మనిక బత్రా నిలవలేకపోయింది. మానికా 8-11, 2-11, 5-11, 7-11 తేడాతో ఓటమి చెందింది. పోరాడి ఓడిన సుమిత్ నగల్ టోక్యో ఒలింపిక్స్‌లో సుమిత్ నగల్‌  పోరాటం ముగిసింది. టెన్నిస్‌  పురుషుల సింగిల్స్‌లో సుమిత్ నగల్ ఓటిమి చెందాడు. రెండో రౌండ్‌లో వరల్డ్‌ నెం.1 డానిల్ మెడెదేవ్‌తో జరిగిన మ్యాచ్‌లో 2-6, 1-6 తేడాతో ఓడిపోయాడు. బ్యాడ్మింటన్ లో సాత్విక్  - చిరాగ్ శెట్టి ఓటమి టోక్యో ఒలింపిక్స్‌లో బ్యాడ్మింటన్‌ పురుషుల డబుల్స్ ఈవెంట్‌లో భారత్ తరపున బరిలోకి దిగిన సాత్విక్‌ సాయిరాజ్‌- చిరాగ్ శెట్టి జోడి ఓటమి చెందింది. భారత్ పై ఇండోనేషియా జోడీ 21-13, 21-12తేడాతో విజయం సాధించింది. రెండో రౌండ్‌లో ఓడినా భారత జట్టుకి ఇంకా నాకౌట్స్‌కి చేరేందుకు అవకాశం ఉంది. తర్వాతి మ్యాచ్‌లో బ్రిటీష్ జోడితో సాత్విక్‌-చిరాగ్ శెట్టి జోడి గెలిస్తే క్వార్టర్ ఫైనల్‌కి అర్హత సాధిస్తారు.   క్వార్టర్స్‌లో ఆర్చరీ భారత పురుషుల జట్టు ఓటమి టోక్యో ఒలింపిక్స్‌లో భారత ఆర్చరీ టీమ్  కథ ముగిసిం‍ది. క్వార్టర్ ఫైనల్  లో భారత ఆర్చరీ పురుషుల జట్టు కొరియా చేతిలో  6-0 తేడాతో ఓటమి  చెందింది. వరల్డ్ నెం.1 ఆర్చర్ దీపికా కుమారితో పాటు అథాను దాస్, అభిషేక్ వర్మ, ప్రవీణ్ జాదవ్ అందరూ ఫెయిల్ అయ్యారు. టేబుల్‌ టెన్నిస్‌లో సుతీర్థ ముఖర్జీ ఓటమి టోక్యో ఒలింపిక్స్‌లో సుతీర్థ ముఖర్జీ  పోరాటం ముగిసింది.  టేబుల్‌ టెన్నిస్‌ మహిళల సింగిల్స్‌ రెండో రౌండ్‌లో పోర్చుగల్‌ ప్లేయర్ చేతిలో సుతీర్థ ముఖర్జీ 4-0 తేడాతో ఓటమిపాలైంది.  ఫెన్సింగ్‌లో భవానీ దేవి పరాజయం ఒలింపిక్స్ అరంగేట్రంలోనే మెదటి మ్యాచ్లో శుభారంభం చేసిన భవానీ దేవి రౌండ్ 32 మ్యాచ్‌లో 15-7 తేడాతో ఓడిపోయింది. ప్రపంచ నంబర్ 3 మనోన్ బ్రూనెట్‌తో జరిగిన ఈ మ్యాచులో 15-7 తేడాతో ఓడిపోయి ఫైనల్ చేరకుండానే వెనుదిరిగింది. టేబుల్ టెన్నిస్ లో శరత్‌ కమల్‌ విజయం టోక్యో ఒలింపిక్స్‌లో టేబుల్ టెన్నిస్ విభాగంలో అచంత్ శరత్ కమల్ రెండో రౌండ్‌లో 4-2తో పోర్చుగల్‌కు చెందిన టియాగోను ఓడించి మూడో రౌండ్‌కు చేరుకున్నాడు. ఉత్కంఠభరితమైన మ్యాచ్‌లో శరత్ 2-11, 11-8, 11-5, 9-11, 11-6, 11-9తో విజయం సాధించాడు. ఒలింపిక్స్‌లో భారత మరో కేటగిరీపై ఆశలు పెంచుతోంది. నాలుగో రోజైన సోమవారం ఫెన్సింగ్‌(‍కత్తిసాము’, ఆర్చరీలో జయకేతనం ఎగరేసింది.  చెన్నైకి చెందిన భవానీ(2) ఫెన్సింగ్‌లో శుభారంభం చేయగా, మరోవైపు మెన్స్‌ ఆర్చరీ టీం విభాగంలో భారత్‌ క్వార్టర్స్‌కు దూసుకెళ్లింది. మరో వైపు టేబుల్ టెన్నిస్ రెండో రౌండ్‌లో అచంత్ శరత్ కమల్ విజయం సాధించి మూడో రౌండ్‌కు చేరుకున్నాడు. చరిత్ర సృష్టించిన భవానీ ఇండియన్‌ ఫెన్సర్‌ భవానీ చరిత్ర సృష్టించింది. సోమవారం ట్యూనిషియా క్రీడాకారిణి నదియా  బెన్‌ అజిజ్‌తో జరిగిన పోరులో 15-3తో విజయం సొంతం చేసుకుంది. ఒలింపిక్స్‌ డెబ్యూలో కేవలం ఆరు నిమిషాల 14 సెకండ్లలోనే మ్యాచ్‌ ముగించడం విశేషం. దీంతో తర్వాతి రౌండ్‌కు వెళ్లింది. ఇదిలా ఉంటే ఇండియా నుంచి ఫెన్సింగ్‌ విభాగానికి అర్హత సాధించిన మొదటి క్రీడాకారిణి భవానీనే కావడం విశేషం. తర్వాతి రౌండ్‌లో వరల్డ్‌ 3 ర్యాంకర్‌, ఫ్రెంచ్‌ ఫెన్సర్‌ బ్రునెట్‌తో తలపడనుంది. It's a great start for #TeamIndia today as @IamBhavaniDevi wins her first match 15-3 and advances to the Table of 32. She will face French M. Brunet in the next match at 7:40 am (IST) Let's send in our best wishes with #Cheer4India#Tokyo2020 pic.twitter.com/hC1fU9VCSu — SAIMedia (@Media_SAI) July 26, 2021 క్వార్టర్స్‌కు ఆర్చరీ టీం పురుషుల ఆర్చరీ టీమ్‌ విభాగంలో అతాను దాస్, ప్రవీణ్‌ జాదవ్, తరుణ్‌దీప్‌ రాయ్‌లతో కూడిన భారత బృందం తొలి రౌండ్‌లో కజకిస్తాన్‌పై విజయం సాధించింది. 6-2 తేడాతో విజయం సాధించింది. దీంతో క్వార్టర్‌ ఫైనల్లో టాప్‌ సీడ్, డిఫెండింగ్‌ చాంపియన్‌ దక్షిణ కొరియా జట్టుతో టీమిండియా తలపడనుంది. ముఖ్యంగా అతాను దాస్ మంచి ఫర్‌ఫార్మెన్స్‌ కనబరిచాడు. Indian men’s recurve archery team of Atanu Das, Pravin Jadhav, and Tarundeep Rai advance to quarterfinals after 6-2 win over Kazakhstan. They will play South Korea at 10:15 AM#Cheer4India #Tokyo2020 pic.twitter.com/RjwsM6smaK — SAIMedia (@Media_SAI) July 26, 2021 ఒలింపిక్స్‌లో నేటి భారత్ షెడ్యూల్ ఉ.5:30కి  మహిళల ఫెన్సింగ్ ఈవెంట్‌ క్వాలిఫికేషన్‌(భవానీ దేవి) ఉ.6:00కి  పురుషుల ఆర్చరీ ఎలిమినేషన్‌(అతాను దాస్, ప్రవీణ్‌ జాదవ్, తరుణ్‌దీప్‌ రాయ్‌) ఉ.6:30కి షూటింగ్‌ పురుషుల స్కీట్‌ క్వాలిఫికేషన్‌ (బజ్వా, మీరజ్‌) ఉ.6:30కి టేబుల్‌ టెన్నిస్‌ పురుషుల సింగిల్స్‌ రెండో రౌండ్‌(శరత్‌ కమల్‌ ) ఉ.8:30కి టేబుల్‌ టెన్నిస్‌ మహిళల సింగిల్స్‌ రెండో రౌండ్‌(సుతీర్థ ముఖర్జీ) ఉ.9:30‍కి  టెన్నిస్‌  పురుషుల సింగిల్స్‌ రెండో రౌండ్‌(సుమిత్‌ నగాల్‌) మ.12:20కి షూటింగ్‌ పురుషుల స్కీట్‌ ఫైనల్‌ మ.1:00కి టేబుల్‌ టెన్నిస్‌ మహిళల సింగిల్స్‌ మూడో రౌండ్‌ (మనికా బాత్రా) మ.3:06 కి బాక్సింగ్‌ పురుషుల ఫ్లైవెయిట్‌(ఆశీష్‌ కూమార్‌ రౌండ్‌ఆఫ్‌ 32) మ.3:50కి స్విమ్మింగ్‌ పురుషుల 200 మీటర్ల బటర్‌ఫ్లై హీట్స్‌-2(సాజన్‌ ప్రకాష్‌) సా.5:45కి భారత్‌  Vs జెర్మనీ మహిళల హాకీ మ్యాచ్‌

పారిస్‌: ఆర్చరీ ప్రపంచకప్‌లో భారత మహిళల ఆర్చరీ బృందం ఆదివారం సత్తా చాటింది. ఆర్చరీ ప్రపంచకప్‌లో రికర్వ్‌ టీమ్‌ భారత్‌కు రెండో స్వర్ణం అందించింది. రికర్వ్‌ టీమ్‌లో దీపికా కుమారి, కోమలిక బరి, అంకిత భాకట్‌లతో కూడిన భారత ఆర్చరీ బృందం మెక్సికోపై 5-1 తేడాతో విజయం సాధించి స్వర్ణ పతకం గెలిచింది. కాగా ఆరేళ్ల విరామం తర్వాత ప్రపంచకప్‌ ఆర్చరీ టోర్నమెంట్‌లో భారత ఆర్చర్‌ అభిషేక్‌ వర్మ వ్యక్తిగత విభాగంలో శనివారం పసిడి పతకం సొంతం చేసుకున్న సంగతి తెలిసిందే. ఇక్కడ వరల్డ్‌కప్‌ స్టేజ్‌–3 టోర్నీలో 32 ఏళ్ల అభిషేక్‌ పురుషుల కాంపౌండ్‌ వ్యక్తిగత విభాగంలో స్వర్ణ పతకాన్ని గెల్చుకున్నాడు. క్రిస్‌ షాఫ్‌ (అమెరికా)తో శనివారం జరిగిన ఫైనల్లో అభిషేక్‌ వర్మ ‘షూట్‌ ఆఫ్‌’లో బంగారు పతకాన్ని దక్కించుకున్నాడు. చదవండి: చరిత్ర సృష్టించిన భారత్‌ బాక్సర్‌.. ప్రపంచ నంబర్‌ వన్‌ స్థానం కైవసం

ఆర్చరీ నేపథ్యంలో రూపుదిద్దుకుంటున్న సినిమా ''లక్ష్య''. యువ నటుడు నాగశౌర్య జన్మదినం సందర్భంగా గురువారం చిత్రబృందం లక్ష్య టీజర్‌ విడుదల చేసింది. ఈ సినిమా శౌర్యకు ఇది 20వ చిత్రం. ధీరేంద్ర సంతోశ్‌ జాగర్లపూడి దర్శకత్వంలో రూపొందుతున్న ఈ సినిమా సోనాలి నారంగ్ సమర్పణలో వెంకటేశ్వర సినిమాస్, నార్త్ స్టార్ ఎంటర్‌టైన్‌మెంట్స్ బ్యానర్స్‌పై రూపుదిద్దుకుంటోంది. నారాయణ్ దాస్ కె నారంగ్ - పుష్కర్ రామ్మోహన్ రావు, శరత్ మరార్ ఈ నిర్మాణంలో తెరకెక్కుతున్న ఈ సినిమాపై భారీ అంచనాలు ఉన్నాయి. పార్థు పాత్రలో ఆర్చరీ ఆటగాడుగా నాగశౌర్య నటిస్తున్నాడు. 'చాలా మందికి ఆడితే గుర్తింపు వస్తుంది.. కానీ ఎవడో ఒకడు పుడతాడు.. ఆటకే గుర్తింపు తెచ్చేవాడు' అంటూ జగపతిబాబు డైలాగ్‌తో టీజర్ మొదలవుతుంది. 'పడి లేచిన వాడితో పందెం వేయడం చాలా ప్రమాదకరం' అంటూ వచ్చిన 'లక్ష్య' టీజర్ ఆకట్టుకుంటోంది. ఈ చిత్రంలో శౌర్య సిక్స్‌ ప్యాక్‌తో కనిపిస్తున్నాడు. హీరోయిన్‌గా కేతిక శర్మ నటిస్తోంది. ఈ సినిమాకు సంబంధించి ఇప్పటికే విడుదల చేసిన పోస్టర్స్‌ ఆకట్టుకున్నాడు. ఇప్పుడు టీజర్‌ అదిరిపోవడంతో నాగశౌర్య ఖాతాలో మరో విజయం పక్కా అని తెలుస్తోంది. ఈ సినిమాకు కాలభైరవ సంగీతం అందిస్తుండగా, రామ్ రెడ్డి సినిమాటోగ్రఫీ అందిస్తున్నారు. అయితే ఆర్చరీ నేపథ్యంగా దేశంలో రూపొందుతున్న మొదటి సినిమా ఇదే.

చాలా సందర్భాల్లో లక్ష్యానికి, విజయానికి మధ్య విభజన రేఖ చిన్నదిగా కనిపిస్తుంది. వింటిని గట్టిగా లాగి సూటిగా వదిలిన బాణంలా అలుపెరగక దూసుకుపోతే లక్ష్యం చిన్నదవుతుంది. ఆ సన్నని గీత చెరిగిపోయి విజయరేఖగా మారుతుంది. చివరకు తనపేరులోని రేఖను విజయ రేఖగా మార్చుకున్న జ్యోతి సురేఖలా ప్రపంచ స్థాయికి ఎదుగుతుంది. అవమానాలకు కళ్లెంవేస్తూ అవాంతరాలపై స్వారీ చేస్తూ ప్రపంచ ఆర్చరీ పటంలో తానొక పుటగా ఆవిష్కృతమవుతుంది. ప్రతిభను వెతుక్కుంటూ వచ్చే పద్మశ్రీ అవార్డులకు, ఆదర్శ పాఠాలు నేర్చుకునే వర్ధమాన క్రీడాకారులకు అర్జున అవార్డు గ్రహీత జ్యోతిసురేఖ చిరునామాగా మారుతుంది. ♦ అప్పుడు ఆ చిన్నారి పాప వయస్సు నాలుగేళ్ల 11 నెలలు. ఆ వయసులో ప్రకాశం బ్యారేజీ నుంచి కృష్ణానదిని చూడటానికే భయపడతారు. అలాంటిది నదిలో 5 కిలోమీటర్ల దూరాన్ని చేపపిల్లలా మూడుసార్లు అటూ ఇటూ 3 గంటల 6 నిమిషాల వ్యవధిలో ఈదేసి లిమ్కా బుక్‌ ఆఫ్‌ రికార్డ్స్‌లో చోటు సాధించేసింది. ♦ ఇప్పుడు ఆమె వయస్సు 23 సంవత్సరాలు. విలువిద్యలో ఏకలవ్యుడి శిష్యురాలిలా దూసుకుపోతోంది. విల్లు చేతబూని విలువిద్యలో తనకు సాటిలేరని నిరూపిస్తోంది. అంతర్జాతీయ స్థాయిలో పేరు సంపాదించింది. దేశంలోనే కాంపౌండ్‌ ఆర్చరీలో తొలిసారిగా, జిల్లాలో తొలి అమ్మాయిగా అర్జున అవార్డు సాధించి వర్ధమాన క్రీడాకారులకు లక్ష్యరేఖగా మారింది. ఆమె పేరే జ్యోతి సురేఖ. విజయవాడ స్పోర్ట్స్‌: జ్యోతి సురేఖ 1996, జూలై 3వ తేదీన గుంటూరు జిల్లా చెరుకుపల్లి మండలం నడింపల్లిలో వెన్నం సురేంద్రకుమార్, శ్రీదుర్గకు జన్మించారు. కేవలం క్రీడల్లోనే కాదు.. చదువులోనూ టాపే. కేఎల్‌ యూనివర్సిటీలో బీటెక్‌ (సీఎస్‌ఈ) పాసై అదే యూనివర్సిటీలో ప్రస్తుతం ఎంబీఏ చదువుతోంది. తొలుత పిన్నవయసులోనే  స్విమ్మింగ్‌లో రాణించి.. అనంతరం ఆర్చరీని ఎంచుకుంది. అయితే, ఆర్చరీ ప్రాక్టీస్‌కు అవకాశం కుదరలేదు. స్థానికంగా ప్రోత్సాహం లభించలేదు. అయినా కుంగిపోకుండా, పట్టువిడవక తల్లిదండ్రులు, స్నేహితులు, ఆంధ్ర క్రికెట్‌ అసోసియేషన్‌ ప్రోత్సాహంతో  ప్రాక్టీస్‌ చేసి ఏషియన్‌ గేమ్స్‌లో పతకం సాధించింది. ఎన్నో అంతర్జాతీయ పతకాలు సాధించి రాష్ట్ర, దేశఖ్యాతిని ప్రపంచ స్థాయిలో రెపరెపలాడించింది. ఘనత ♦ ఆర్చరీ కాంపౌండ్‌ విభాగంలో ప్రపంచ స్థాయిలో 14వ ర్యాంకులో కొనసాగుతోంది. అంతర్జాతీయంగా 30 పోటీల్లో పాల్గొంటే, 8 స్వర్ణ, 8 రజత, 5 కాంస్య పతకాలు కైవసం   ♦ 2015ఆర్చరీ చాంపియన్‌షిప్‌లో 80కి 80 పాయింట్లు సాధించి వరల్డ్‌ రికార్డు సమం. ♦ 2017లో 20వ ఏషియన్‌ ఆర్చరీ చాంపియన్‌షిప్‌లో 720 పాయింట్లకు 703 పాయింట్లు సాధించిన తొలి ఇండియన్‌ కాంపౌండ్‌ ఆర్చరర్‌గా ఘనత. ♦ ఒకే ఏడాది సబ్‌ జూనియర్, జూనియర్, సీనియర్‌ విభాగాల్లో చాంపియన్‌. అవార్డులు ♦ 2017లో అర్జున అవార్డు, 2014లో అక్కినేని నాగేశ్వరరావు ఇంటర్నేషనల్‌ అవార్డు, 2013లో వరల్డ్‌ ఆర్చరీ  ఫిటా గోల్డెన్‌ టార్గెట్‌ అవార్డు, 2002లో భారత ప్రభుత్వం నుంచి ఎక్స్‌సెప్షనల్‌ అచీవ్‌మెంట్‌ అవార్డు. 2016 సాక్షి ఎక్స్‌లెన్సీ అవార్డు   ♦ 2017  ఢాకాలో 20వ ఏషియన్‌ ఆర్చరీ చాంపిన్‌షిప్‌ వ్యక్తిగత విభాగంలో కాంస్య, టీమ్‌ విభాగంలో స్వర్ణ, మిక్స్‌డ్‌ విభాగంలో రజత పతకాలు సాధించింది. కష్టపడి లక్ష్యాన్ని చేరుకుంది చిన్నప్పటి నుంచి పట్టుదల ఎక్కువ. ఈ స్థాయికి చేరుకోవడానికి చాలా కష్టపడింది. ఆర్చరీ అంటే ఇష్టపడటంతో చేర్పించాం. దేశంలోనే కాకుండా ప్రపంచవ్యాప్తంగా గుర్తింపుపొందింది. చదువుతో పాటు క్రీడల్లో కూడా రాణించడం ఆనందంగా ఉంది. – వెన్నం సురేంద్రకుమార్, జ్యోతి సురేఖ తండ్రి

ఒంగోలు క్రైం: విలు విద్య పేరుతో ఓ వ్యక్తి ఒంగోలు నగరంలో పలువురిని మోసం చేశాడు. బాధితులు ఒంగోలు ఒన్‌టౌన్‌ పోలీసులను ఆశ్రయించడంతో విషయం ఆలస్యంగా వెలుగులోకి వచ్చింది. విలు విద్య పేరుతో మోసం చేసిన స్థానిక కమ్మపాలేనికి చెందిన నందనం హరీష్‌బాబును ఎస్‌ఐ ఎం.దేవకుమార్‌ అరెస్టు చేసి గురువారం రిమాండ్‌కు పంపారు. ఏం జరిగిందంటే.. నగరంలోని రంగారాయుడుచెరువు వద్ద ఉన్న గాంధీపార్కులో ఒంగోలు కమ్మపాలేనికి చెందిన నందనం హరీష్‌బాబు తాను విలు విద్యలో శిక్షణనిస్తానంటూ విద్యార్థినీ, విద్యార్థుల తల్లిదండ్రులను నమ్మబలికాడు. దీంతో తమ చిన్నారులకు విలు విద్యలో శిక్షణ ఇప్పిస్తే ఉన్నత చదువుల్లో అవకాశాలతో పాటు ఉద్యోగావకాశాలు కూడా మెండుగా ఉంటాయని భావించి తల్లిదండ్రులు అతని వద్ద చేర్పించారు. శిక్షణ పేరుతో నెలల తరబడి తల్లిదండ్రుల వద్ద పెద్ద మొత్తాల్లో నగదు వసూలు చేశాడు. విల్లు కోసం, బాణాల కొనుగోలు కోసం డబ్బులు కావాలని అడగడంతో వేలకు వేలు ఇచ్చారు. విల్లు, బాణాలు కొందరికీ ఇచ్చి మరికొందరికి ఇవ్వకుండా ఇబ్బంది పెడుతూ వచ్చాడు. నిర్మల్‌నగర్‌కు చెందిన జాస్టి రామారావు తన వద్ద రూ.60 వేలు తీసుకొని మోసం చేశాడంటూ పోలీసులను ఆశ్రయించాడు. నగదుతో పాటు వారి వద్ద ఏటీఎం కార్డు కూడా తీసుకొని నగదు కూడా డ్రా చేశాడు. తీరా విల్లు, బాణాలు ఇవ్వకపోవడంతో మోసపోయానని భావించి పోలీసులకు ఫిర్యాదు చేశాడు. రంగంలోకి దిగిన పోలీసులు అతడిని అదుపులోకి తీసుకున్నారు. బాధితులు ఒక్కొక్కరుగా బయటకు వస్తున్నారు. సుజాతనగర్‌కు చెందిన భవనాశి ప్రవల్లిక విల్లు, బాణాల కోసం రూ.98 వేలిచ్చింది. కమ్మపాలేనికి చెందిన పెండ్యాల రామకృష్ణ రూ.59 వేలిచ్చాడు. గద్దలగుంటకు చెందిన నత్తల శ్రీనివాసరావు రూ.25 వేలు ముట్టజెప్పాడు. బల్లిపల్లి శ్రీనివాసులు అనే వ్యక్తి తన ఇద్దరు కుమార్తెల కోసం రూ.70 వేలిచ్చాడు. ఇలా హరీష్‌బాబు మోసాలను ఒక్కొక్కరుగా బయట పెడుతున్నారు. వాస్తవానికి రాయల్‌ స్పోర్ట్స్‌ అకాడమీ పేరుతో నిర్వహిస్తున్న సంస్థకు అసలు స్పోర్ట్స్‌ అథారిటీ నుంచి అనుమతే లేదని పోలీసుల దర్యాప్తులో తేలింది. హరీష్‌బాబు పోటీల్లో గెలిచానని చూపిస్తున్న సర్టిఫికెట్లు కూడా నకిలీవని తెలింది. నిందితుడిని అరెస్టు చేసి పోలీసులు రిమాండ్‌కు పంపారు.


 
 జాతీయస్థ్ధాయి విలువిద్య పోటీలకు ఎంపిక
 
 అడ్డతీగల : 
 ఆమె కటిక దరిద్య్రాన్ని అనుభవిస్తోంది. తండ్రి చనిపోయి ఎనిమిదేళ్లయింది. ఇటు చదువుతో పాటు అటు తనకెంతో ఇష్టమైన విలువిద్యలో మెళకువలు నేర్చుకుని ఒక్కో మెట్టూ ఎక్కుతూ జాతీయ స్థాయి పోటీలకు అర్హత సాధించింది. అడ్డతీగల ఆశ్రమ బాలికోన్నత పాఠశాలలో తొమ్మి దో తరగతి చదువుతున్న కోసూరి ఉమాదేవి త్వరలో రాజస్థా¯ŒSలో జరిగే జాతీయ స్థాయి విలువిద్య పోటీలకు ఎంపికైంది. ఉమాదేవి తొలుత గత నవంబర్‌లో కాకినాడలో జరిగిన పాఠశాల స్థాయి అండర్‌–17 విభాగంలో ఉత్తమప్రతిభ కనబరిచి రాష్ట్రస్థాయి పోటీలకు ఎంపిౖకైంది. అదే నెలలో చిత్తూరు జిల్లా తిరుపతిలో జరిగిన రా ష్ట్ర స్థాయి పోటీల్లో నాల్గో స్థానంలో నిలిచింది. గత డిసెంబర్‌లో కాకినాడలోజరిగిన ఖేలోఇండియా విలువిద్య పోటీల్లో అండర్‌–17 విభాగంలో తన నైపుణ్యాన్ని ప్రదర్శించి రాష్ట్రస్ధాయి పోటీలకు ఎంపికైంది. గుంటూరులో జరిగిన గిరిజన రాష్ట్ర స్థాయి విలువిద్య పోటీల్లోన ఉమాదేవి మూడో స్థానంలో నిలిచింది. ఈనెల 11,12,13 తేదీల్లో చిత్తూరులోని పీవీకేఎ¯ŒS కాలేజీలో జరిగిన రాష్ట్రస్థాయి అండర్‌–17 విలువిద్య పోటీల్లో 30, 40 మీటర్ల విభాగాల్లో అత్యత్తమ ప్రతిభ ప్రదర్శించి రాజస్థా¯ŒSలో జరగనున్న జాతీస్థాయి పోటీలకు అర్హత సాధించింది. ఉమాదేవిని పాఠశాల హెచ్‌ఎం ప్రసాద్‌బాబు, పీడీ నాగమణి, పీఈటీ బుచ్చన్నదొర, ఉపాధ్యాయులు అభినందించారు.