ఆర్‌ఆర్‌ఆర్‌ చిత్రంతో అటు ఎన్టీఆర్‌, ఇటు రామ్‌ చరణ్‌ గ్లోబల్‌ స్టార్స్‌గా మారారు. ప్రస్తుతం ఈ స్టార్‌ హీరోలిద్దరు తమ తదుపరి చిత్రాలపై ఫోకస్‌ పెట్టారు. రామ్‌ చరణ్‌ ఆర్‌సీ 15 షూటింగ్‌తో బిజీగా ఉంటే.. తారక్‌ ఇటీవల కొరటాల శివ దర్శకత్వంలో ‘NTR30’ ప్రారంభించారు. రీసెంట్‌గా సెట్‌లోకి కూడా అడుగుపెట్టాడు. ఇలా వరుస అప్‌డేట్స్‌ ఇస్తూ ఫ్యాన్స్‌ని ఖుషీ చేస్తున్న తారక్‌.. ఇప్పుడు పెద్ద యుద్దమే ప్రకటించారు. బాలీవుడ్‌ స్టార్‌ హీరో హృతిక్‌ రోషన్‌తో కలిసి ‘వార్‌’ చేయబోతున్నాడు.  హృతిక్‌ రోషన్‌ హీరోగా, టైగర్‌ ష్రాఫ్‌ లీడ్‌ రోల్‌లో నటించిన చిత్రం ‘వార్‌’. 2019లో విడుదలైన ఈ చిత్రం బాక్సాఫీస్‌ వద్ద భారీ వసూళ్లను రాబట్టింది. అప్పుడే ఈ సినిమా సీక్వెల్‌ని రూపొందిస్తామని నిర్మాణ సంస్థ యశ్‌రాజ్‌ ఫిలింస్‌ ప్రకటించింది. కానీ వివిధ కారణాల వల్ల ఆలస్యమవుతూ వచ్చింది. ఫైనల్ గా వార్ 2కి స్టేజి ఇప్పుడు సెట్ అయ్యింది. అయితే ‘వార్‌’ చిత్రానికి సిద్ధార్థ్‌  ఆనంద్‌ దర్శకత్వం వహిస్తే... ‘వార్‌ 2’కు మాత్రం అయాన్‌ ముఖర్జీ దర్శకత్వం వహించబోతున్నారు. ఇక ఈ సీక్వెల్‌లో హృతిక్‌ రోషన్‌తో కలిసి యంగ్‌టైగర్‌ ఎన్టీఆర్‌ స్క్రీన్‌ షేర్‌ చేసుకోబోతున్నాడని బాలీవుడ్‌ క్రిటిక్ తరణ్ ఆదర్శ్ ట్విటర్‌ ద్వారా వెల్లడించాడు. ప్రస్తుతం ఈ న్యూస్‌ అటు బాలీవుడ్‌తో పాటు ఇటు టాలీవుడ్‌ని కూడా షేక్‌ చేస్తోంది.  వార్ 2’ సినిమాకు అయాన్ ముఖర్జీ దర్శకత్వం వహించబోతున్నట్లు ని​న్న వార్తలు వినిపంచాయి. ఇప్పుడు  జూనియర్ ఎన్టీఆర్ ఈ సినిమాలో నటించబోతున్నాడనే వార్త బయటకు వచ్చింది. వాస్తవానికి ఈ కాంబో ఖరారై చాలా రోజులే అయినట్టుంది. ‘బ్రహ్మాస్త్ర’ విడుదల సమయంలో ఆ సినిమా తెలుగు ప్రమోషన్స్‌లో ఎన్టీఆర్ పాల్గొన్నారు. అప్పటికే వార్‌ 2లో నటించడానికి ఎన్టీఆర్‌ గ్రీన్‌ సిగ్నల్‌ ఇచ్చినట్లు తెలుస్తోంది. IT’S OFFICIAL… HRITHIK - JR NTR IN ‘WAR 2’… #YRF pulls off a casting coup… #HrithikRoshan and #JrNTR will share screen space for the first time in #War2… #AyanMukerji directs. #YRFSpyUniverse pic.twitter.com/rGu8Z3Nzs7 — taran adarsh (@taran_adarsh) April 5, 2023

బాలీవుడ్ స్టార్ డైరెక్టర్ అయాన్ ముఖర్జీ దర్శకత్వంలో తెరకెక్కిన విజువల్ వండర్ బ్రహ్మస్త్ర.  ఈ చిత్రంలో రణ్‌బీర్ కపూర్, అలియా భట్ జంటగా నటించారు. ఈ సినిమా బాక్సాపీస్ వద్ద సక్సెస్ సాధించింది. సెప్టెంబర్ 9న పాన్ ఇండియా స్థాయిలో విడుదలై హిట్ టాక్ తెచ్చుకుంది. ఈ సినిమాలో టాలీవుడ్ కింగ్ నాగార్జున, బాలీవుడ్ సీనియర్ నటుడు అమితాబ్ బచ్చన్ కీలక పాత్రలు పోషించారు. కరణ్ జోహార్ ఈ చిత్రానికి నిర్మాతగా వ్యవహరించారు. ప్రస్తుతం ఓటీటీలో ఈ చిత్రం సందడి చేస్తోంది. (చదవండి: ఓటీటీకి వచ్చేసిన బ్రహ్మాస్త్ర మూవీ, అక్కడ అర్థరాత్రి నుంచి స్ట్రీమింగ్‌) అత్యంత భారీ బడ్జెట్ చిత్రంగా నిర్మించడమే కాకుండా. రెండు భాగాలుగా తీసుకొస్తున్నట్లు అయాన్ ముఖర్జీ గతంలోనే ప్రకటించారు. త్వరలోనే బ్రహ్మస్త్ర పార్ట్-2 షూటింగ్ పనులను ప్రారంభించబోతున్నట్లు తెలుస్తోంది. బ్రహ్మాస్త్ర పార్ట్ -2పై సోషల్ మీడియాలో పలు రకాల రూమర్లు వచ్చాయి. ముఖ్యంగా ఈ సినిమాలో దేవ్ పాత్రలో పలువురు హీరోలు నటించబోతున్నారని వార్తలు హల్‌చల్‌ చేశాయి. దేవ్ పాత్రలో రణవీర్, యశ్, హృతిక్ రోషన్ వంటి హీరోలు నటిస్తున్నారని ఇప్పటికే ఎంతో మంది పేర్లు బయటకు వచ్చాయి. తాజాగా చిత్ర నిర్మాత కరణ్ జోహార్ విజయ్ దేవరకొండ పేరును సూచించినట్లు గుసగుసలు వినిపిస్తున్నాయి. లైగర్ హీరో విజయ్ దేవరకొండను బ్రహ్మాస్త్ర-2లో తీసుకోవడానికి నిర్మాత ఆసక్తి చూపిస్తున్నట్లు సమాచారం. అయితే ఈ వార్తలపై డైరెక్టర్ అయాన్ ముఖర్జీ స్పందించారు. బ్రహ్మాస్త్ర సినిమాలో దేవ్ పాత్రపై వస్తున్న హైప్ చూస్తుంటే చాలా సంతోషంగా ఉంది. ఇటీవల హృతిక్, రణవీర్, యశ్ నటిస్తున్నారని వార్లలొచ్చాయి. అందుకే ఈ పాత్రలో ప్రభాస్ నటిస్తున్నారని చెప్పిన ఆశ్చర్య పోవాల్సిన అవసరం లేదంటూ అయాన్ వ్యంగ్యంగా మాట్లాడారు. దేవ్ పాత్రలో ఎవరు నటిస్తారనే విషయం ఇంకా ఫైనల్ కాలేదని తెలిపారు. విజయ్ దేవరకొండ నటిస్తున్నారనే విషయంలో కూడా ఏమాత్రం వాస్తవం లేదన్నారు. డైరెక్టర్ కామెంట్స్‌తో దేవ్ పాత్రపై వస్తున్న వార్తలకు చెక్ పడింది. 

స్టార్‌ జంట రణ్‌బీర్‌ కపూర్‌, ఆలియా భట్‌ ప్రధాన పాత్రల్లో నటించిన చిత్రం బ్రహ్మాస్త్ర. అయాన్‌ ముఖర్జీ డైరెక్ట్‌ చేసిన ఈ మూవీ సెప్టెంబర్‌ 9న విడుదలైంది. విజువల్‌ వండర్‌గా తెరకెక్కిన ఈ చిత్రం ప్రపంచవ్యాప్తంగా రూ.425 కోట్లు రాబట్టింది. థియేటర్లలో సందడి చేసిన బ్రహ్మాస్త్ర నవంబర్‌ 4 నుంచి హాట్‌స్టార్‌లోకి రాబోతోంది. సినిమా రిలీజ్‌కు ముందే ప్రమోషన్ల మీద ప్రమోషన్లు చేసింది చిత్రయూనిట్‌. ఇప్పుడు ఓటీటీ రిలీజ్‌కు కూడా ప్రమోషన్స్‌ చేయడం నావల్ల కాదంటున్నాడు రణ్‌బీర్‌. ఈ మేరకు ఓ వీడియోను ఆలియా భట్‌ తన ఇన్‌స్టాగ్రామ్‌లో షేర్‌ చేసింది. ఇందులో హీరో ఓ ఫోన్‌కాల్‌ మాట్లాడుతూ.. 'ఇక నా వల్ల కాదు బ్రదర్‌. బ్రహ్మాస్త్ర ప్రమోషన్స్‌ చేసేశాం కదా! అయాన్‌ ముఖర్జీతో కూడా పనైపోయింది. ఇప్పుడేమంటావ్‌.. బ్రహ్మాస్త్ర హాట్‌స్టార్‌లో వస్తుందా? అంటే మళ్లీ ప్రమోషన్లు చేయాలా? సినిమాలో కూడా ఆలియా అన్నిసార్లు శివ శివ అని స్మరించలేదేమో.. ప్రతి ఈవెంట్‌లో కేసరియా(కుంకుమలా నువ్వు..) పాట పాడి ఆమె గొంతు పోయింది. పదేపదే స్టేజీ మీద డ్యాన్స్‌ చేసీ చేసీ నేనూ ఓ దెయ్యంలా మారిపోతున్నా.. బ్రహ్మాస్త్ర లోగో లాంచ్‌ చేసినప్పుడు 150 డ్రోన్లతో స్వీట్లు పంచాం. ఇంకా ఏం చేయాలి? ఇంటింటికీ వెళ్లి సోదరసోదరీమణులారా.. హాట్‌స్టార్‌లో బ్రహ్మాస్త్ర రాబోతోంది, దయచేసి చూడండి అని అడగాలా? అసలు అయాన్‌ ఏమనుకుంటున్నాడు? నాకు బ్రహ్మాస్త్ర ప్రమోషన్స్‌ కాకుండా వేరే జీవితమే లేదనుకుంటున్నాడా? నేను త్వరలో తండ్రిని కాబోతున్నాను, అది నా జీవితంలోనే గొప్ప విషయం' అని చెప్పుకొచ్చాడు. ఇలా మాట్లాడుతున్న సమయంలో డైరెక్టర్‌ అయాన్‌ నుంచి ఫోన్‌ కాల్‌ రావడంతో లిఫ్ట్‌ చేసిన రణ్‌బీర్‌.. 'హేయ్‌ అయాన్‌.. తప్పకుండా చేద్దాం. ప్రమోషన్స్‌ చేసి తీరాల్సిందే. ప్రతి ఒక్కరూ బ్రహ్మాస్త్ర చూడాలి' అంటూ ప్రమోషన్స్‌ చేసేందుకు రెడీ అయిపోయాడు. View this post on Instagram A post shared by Alia Bhatt 🤍☀️ (@aliaabhatt)  

బాలీవుడ్‌లో బాక్సాఫీస్ వద్ద రికార్డుస్థాయిలో వసూళ్లు రాబట్టిన చిత్రం 'బ్రహ్మస్త్ర'. బాలీవుడ్ ప్రేమజంట రణ్‌బీర్‌ కపూర్, ఆలియాభట్ నటించిన ఈ సినిమా ప్రపంచవ్యాప్తంగా కలెక్షన్లతో దూసుకెళ్తోంది. ఇటీవలే వరల్ట్‌ వైడ్ రూ.400 కోట్లకు పైగా వసూళ్లు సాధించిన సినిమాల క్లబ్‌లో చేరింది. ఈ సినిమాను మిస్సవుతున్న వారి కోసం చిత్ర యూనిట్ సరికొత్త ప్లాన్‌తో ముందుకొచ్చింది. ఇప్పటికే ఈనెల 23న మల్టీప్లెక్స్‌ల్లో కేవలం రూ.75 కే సినిమా చూడవచ్చని బంపర్‌ ఆఫర్ ప్రకటించింది. దీంతో ప్రేక్షకుల నుంచి ఒక్కసారిగా ఊహించని రీతిలో స్పందన వచ్చింది.  తాజాగా దసరా సెలవుల్లోనూ మరో బంపర్‌ ఆఫర్‌ను ప్రేక్షకుల ముందుకు తీసుకొచ్చింది. ఈనెల 29 వరకు కేవలం రూ.100 కే మల్టీప్లెక్స్‌ల్లో సినిమా చూడవచ్చని చిత్ర యూనిట్ ప్రకటించింది. దసరా సెలవులను కుటుంబంతో కలిసి ఎంజాయ్ చేసే వారికి ఈ ఆఫర్ మంచి సువర్ణావకాశం. ఇంకేముంది కుటుంబ సమేతంగా బ్రహ్మస్త్రను చూసేయండి.  (చదవండి: ప్రపంచవ్యాప్తంగా బ్రహ్మస్త్ర రికార్డ్.. తొలివారం ఎన్ని కోట్లంటే..!) బాలీవుడ్‌లో అత్యంత ప్రతిష్ఠాత్మకంగా రూపొందించిన ఈ చిత్రం బ్రహ్మస్త్రం పేరుతో తెలుగులో విడుదలైంది. ఈ చిత్రానికి అయాన్ ముఖర్జీ దర్శకత్వం వహించారు. ఈ సినిమాలో బిగ్‌బీ అమితాబ్ బచ్చన్, టాలీవుడ్ కింగ్ నాగార్జున, మౌనీ రాయ్ కీలకపాత్రలు పోషించారు.  భారీ అంచనాల మధ్య ఈ చిత్రం సెప్టెంబర్ 9న ప్రేక్షకుల ముందుకొచ్చిన సంగతి తెలిసిందే.  Celebrate Navratri with #Brahmastra! Enjoy this visual spectacle on big screens for just Rs. 100 + GST from 26th September to 29th September. Book your tickets now! BMS - https://t.co/qjPVPFdZfT Paytm - https://t.co/eVmK21uC8n T&C Apply* pic.twitter.com/vz7Du38dUG — BRAHMĀSTRA (@BrahmastraFilm) September 25, 2022

బాలీవుడ్‌ కపుల్స్‌ రణ్‌బీర్‌ కపూర్‌, ఆలియా భట్‌ జంటగా తొలిసారి నటించిన చిత్రం బ్రహ్మాస్త్ర. సెప్టెంబర్‌ 9న ఈ చిత్రం అన్ని భాషల్లో విడుదల కానుంది. ఈ నేపథ్యంలో ఈ మూవీ ప్రమోషన్లో భాగంగా రణ్‌బీర్‌ మంగళవారం వైజాగ్‌లో సందడి చేశాడు. ఈ సందర్భంగా రణ్‌బీర్‌కు గజమాలతో అభిమానులు ఘనస్వాగతం పలికారు. క్రేన్ సాయంతో ఆయనకు భారీ పూలమాల వేసి అభిమానులు సత్కరించారు. ఇక రణ్‌బీర్‌ కూడా ఫ్యాన్స్‌కు అభివాదం చేసిన వీడియో ప్రస్తుతం సోషల్‌ మీడియాల్లో చక్కర్లు కొడుతోంది.  చదవండి: బర్త్‌డే రోజునే సూపర్‌ స్టార్‌ కృష్ణకు అరుదైన గౌరవం ఫ్యాన్స్‌ అభిమానానికి రణ్‌బీర్‌ ఆనందం వ్యక్తం చేశాడు. ఈ వైజాగ్‌ పర్యటనలో రణ్‌బీర్‌తో పాటు డైరెక్టర్‌ ఆయాన్‌ ముఖర్జీ కూడా ఉన్నారు. ఈ ప్రమోషన్‌ కార్యక్రమాలకు దర్శక ధీరుడు ఎస్‌ఎస్‌ రాజమైళి అతిథిగా వచ్చారు. బ్రహ్మస్త్ర మూవీ టీంతో కలిసి ఆయన కూడా ప్రచార కార్యక్రమాల్లో పాల్గొని సందడి చేశారు. కాగా ఈ సినిమాలో తెలుగు స్టార్‌ హీరో నాగార్జున అక్కీనేని ప్రధాన పాత్రలో కనిపించనున్న సంగతి తెలిసిందే. అంతేకాదు బాలీవుడ్‌ బిగ్‌బీ అమితాబ్‌ బచ్చన్‌ కీ రోల్‌ పోషించారు.  View this post on Instagram A post shared by Viral Bhayani (@viralbhayani)

రణ్‌బీర్‌ కపూర్‌పై బాలీవుడ్‌కు భారీ ఆశలున్నాయి. నెక్‌ ్స›్టసూపర్‌స్టార్‌ రణ్‌బీరే అని అందరూ అనుకోవడం ఎప్పుడూ జరిగేదే! అయితే యాక్టింగ్‌ పరంగా ది బెస్ట్‌ అనిపించుకుంటాడు కానీ, బాక్సాఫీస్‌ వద్ద ఓ రేంజ్‌ హిట్‌ ఎప్పుడూ కొట్టలేక పోతుంటాడు. ప్రస్తుతానికి బాలీవుడ్‌ టాప్‌ డైరెక్టర్‌ రాజ్‌కుమార్‌ హిరానితో ‘సంజు’ సినిమా చేస్తున్నాడు రణ్‌బీర్‌. బాలీవుడ్‌ స్టార్‌ సంజయ్‌దత్‌ జీవిత కథ ఆధారంగా ఈ సినిమా తెరకెక్కుతోంది. మార్చిలో రిలీజ్‌. ఈ సినిమాతో రణ్‌బీర్‌ బాలీవుడ్‌లో టాప్‌ రేసులోకి దూసుకెళతాడని ట్రేడ్‌ భావిస్తోంది. దీని తర్వాత వచ్చే సినిమా కూడా అదే రేంజ్‌లో ఉండాలని రణ్‌బీర్‌ భావిస్తున్నాడట. అందుకే ఈసారి ఏకంగా బ్రహ్మాస్త్రం తీశాడు. బ్రహ్మాస్త్రం అంటే మామూలు విషయమా? శక్తులన్నీ కూడగట్టి బలాన్ని చూపించడం. ‘వేక్‌ అప్‌ సిద్‌’, ‘యే జవానీ హై దీవానీ’ సినిమాలతో తనకు సూపర్‌హిట్స్‌ ఇచ్చిన అయాన్‌ ముఖర్జీతో హ్యాట్రిక్‌ కోసం ‘బ్రహ్మాస్త్ర’ టైటిల్‌తో వచ్చేస్తున్నాడు రణ్‌బీర్‌. ఇందులో హీరోయిన్‌ ఆలియా భట్‌. అమితాబ్‌ బచ్చన్‌ కీ రోల్‌లో కనిపిస్తారు. ఇదొక సూపర్‌ హీరో జానర్‌ అని టాక్‌. ఫిబ్రవరిలో సెట్స్‌పైకి వెళుతుందీ సినిమా. ఇప్పటికే టీమ్‌ ఇజ్రాయిల్‌లో లొకేషన్‌ హంట్‌లో ఉంది. ‘సంజు’, ‘బ్రహ్మాస్త్ర’ ప్లాన్‌ చేసినట్లుగా, అందరూ అనుకున్నట్లుగా పెద్ద కమర్షియల్‌ హిట్స్‌ అయిపోతే రణ్‌బీర్‌ టాప్‌ రేసులోకి వెళ్లినట్టే!!!


 బాలీవుడ్ లో మిస్టర్ కూల్, లవర్ బాయ్ గా నటుడు రణబీర్ కపూర్ యాగ్రీ యంగ్ మ్యాన్ గా మారి వార్తల్లోకి ఎక్కాడు.  అయితే ఇది సినిమాలో పాత్రకు సంబంధించిన విషయం అనుకుంటే పప్పులో కాలేసినట్టే. నిజ జీవితంలో యాంగ్రీ యంగ్ మ్యాన్ గా మారి టెలివిజన్ చానెల్ కు చెందిన జర్నలిస్టుతో గొడవపడటమే కాకుండా కెమెరాను లాక్కోవడం వివాదంగా మారింది. కెమెరాను తీసుకుని.. మీ బాస్ ను వచ్చి తీసుకోండి అని బెదిరించడంపై జర్నలిస్టులు ఆగ్రహం వ్యక్తం చేస్తున్నారు. గురువారం మధ్యాహ్నం 2.30 గంటల సమయంలో పాలీ హిల్స్ లోని రణబీర్ నివాసానికి సమీపంలోనే ఈ ఘటన చోటుచేసుకున్నట్టు తెలిసింది. 
  
 ఈ ఘటనలో రాయడానికి వీల్లేనంతగా రణబీర్ దుర్భాషలాడినట్టు ప్రత్యక్ష సాక్షులు తెలిపారు. అర్ధరాత్రి దాటినా కెమెరామెన్ వెంటాడుతుండటంతో రణబీర్ కోపానికి కారణమైంది. ఈ సంఘటన జరగడానికి కొద్ది సేపటి క్రితం వరకు ఖార్ లోని ఆలీవ్ రెస్టారెంట్ లో దర్శకుడు ఆయన్ ముఖర్జీ, మన్మోహన్ శెట్టి కూతురు ఆర్తీ శెట్టితో గడిపినట్టు సమాచారం. వెనక గేటు వద్ద కెమెరామెన్ తనకోసం ఉన్నాడని తెలుసుకున్న రణ్ బీర్ ఆటోరిక్షాలో మెయిన్ గేట్ నుంచి అక్కడి నుంచి గుట్టుచప్పుడు కాకుండా వెళ్లిపోయాడు. 
  
 ఆతర్వాత బెంజ్ వాహనంలో రణబీర్ ఇంటివద్దకు ఆయన్ చేరుకొన్నాడు. అప్పటికే  అక్కడ ఉన్న వేచిచూస్తున్న హీరోను కారులో ఎక్కించుకోని వెళుతుండగా.. రణబీర్ ఉద్దేశపూర్వకంగా మీడియాను ఫాలో కావాలని రెచ్చగొడుతూ సైగలు చేసినట్టు ప్రత్యక్ష సాక్షులు తెలిపారు. అయితే రణబీర్ వెంట ఓ అమ్మాయి కూడా ఉండటంతో మీడియా వెంబండించిందని తెలిసింది.